(இ - ள்.) விளக்கம் பொருந்திய துண்டீர நாடானது, நஞ்சணியுந் திருமிடற்றினையுடைய எம்முடைய சிவபெருமான் றிருவாய் மலர்ந்தருளிய பலவாகிய வாகமங்களிற் கூறிய விதிவழியே யொழுகுகின்ற ஒழுக்கத்தினோடு கெடுதலில்லாத பல தருமமும் இன்ப நிறைதற் கேதுவாகிய அதிசயங்களென்று சொல்லப்படுகின்ற நீக்குதலில்லாத அணிகலன்களும் தலைவியாகிய காமாட்சியம்மையாரால்
அணியப்பட்டுள்ளது.

(வி - ம்.) அணிகலன் - இரண்டாவதன் றொகை; தொண்டைநாடு ஒரு காலத்தில் துண்டீரன் என்னுமரசனால் ஆளப்பட்டமையின் துண்டீர நாடெனப்பட்டது; விம்மிதம் காஞ்சிப்புராணத்து விம்மிதப் படலத்துக் கூறப்பட்டவை. விம்மிதம் - சாதியொருமை; இஃது உயர்வு நவிற்சி.

(7)

(இ - ள்.) அத்தன்மை பொருந்திய நல்ல தண்டக நாடானது மயங்குதற் கேதுவாகிய வலிய வினைகளைத் துடைக்கும் வளம்பொருந்திய தொண்டைநாடு சான்றோருடைத்தென்று கூறும் ஆன்றோர் வசனங்களாகிய கிரணத்தினால் ஏனைய சிறப்புப் பொருந்திய மற்றைய நாட்டின் கீர்த்தியென்று சொல்லப்படுகின்ற நட்சத்திரத்தி னொளி மழுங்க உயர்ந்த செஞ்ஞாயிறாயது.

(வி - ம்.) மான்றல் - மயங்கல்; கால் சீத்தல் - துடைத்தல்; கதிர் - கிரணம்; மையாத்தல் - மயங்கல்; ஈண்டு ஒளிகுறைதல், இதனை "மலர் காணின் மையாத்தி நெஞ்சே" என்னுங் குறளுரையா லுணர்க. "தொண்டைநாடு சான்றோருடைத்தென்" பதை 'வேழமுடைத்' என்னும் வெண்பாவா னறிக.

(8)

(இ - ள்.) பழமையாகிய அத்தொண்டை நாடானது, ஈகையான் வருகின்ற கீர்த்தியாகிய மெய்புகு கருவியைப் போர்த்து, கூரிய தருமமாகிய படைக்கலன்களைத் தாங்கி, விரோதித்தலருமையாகிய யானையும் அழகிய தேரும் விரைவாகச் செல்கின்ற குதிரையும் காலாளுமாகிய