வேறு

(கு - ரை.) அற்ற கேள்வியர் இணக்கமும் - உன்னுடைய புகழைக் கேட்டறியாதவர்களின் தொடர்பும், கேள்வியில் ஆன்றவரிடைத் தீர்வும் - புகழை இடைவிடாது கேட்டு இன்புறும் அன்பர்களின் பிரிவும். பெற்றிலா வகை - எளியேன் அடையாதவாறு. உய்யும்பேறு - பிறவிப் பிணியின் நீங்கி வீடுபேற்றினை யுறுதற்கு வாய்த்த தவப்பயன். துற்ற - நெருங்க. சுந்தரப் பெருமான் - அழகினுக்கு இறைவன், பேரழகுடையவன்.

வேள்வியஞ் சாலையும் கழகமும் இடந்தோறும் துற்ற காவியம் பொருப்பில் வீற்றிருந்தருள் பெருமாளே இணக்கமும், தீர்வும் பெற்றிலாவகை அருள்வையேல் அஃது உய்யும்பேறு எனத் தரிப்பேன் என மாற்றிக் கூட்டிப் பொருள் காண்க.

(51)

(கு - ரை.) இருநோக்கம் - ஒன்று நோய் செய்யும் நோக்கு, மற்றொன்று அந்நோயைப் போக்கும் நோக்கு. இருநோக்கமும் பயின்று வாள்விழிப்படை ஏந்தும் தானை - இளமடந்தையர் கூட்டம். எழும் ஊக்கம் - எழுதற்கு உரிய செயல். சழங்கலை - சோர்வு அடையாதே. ஊனை வென்ற - தம் உடம்பின்மீது உள்ள பற்றினையும் விட்ட. உற்பலம் - கருங்குவளை.

வென்று இருநோக்கமும் பயின்று வாள் விழிப்படை ஏந்தும் தானை வென்று எழும் ஊக்கம் யாது எனச் சழங்கலை நெஞ்சே, மாதவர் குழாம் தொழும் உற்பல வரையாளும் வள்ளி நாயகன் இருசேவடியும் சேர் என முடித்துப் பொருள் கொள்க.

(52)