(கு - ரை.) கொடை யாதும் இலார் - ஈகை சிறிதும் இல்லாதவர். குறையுற்று - குறைவேண்டி, வேண்டிய பொருளைப் பெற விரும்பி. உயங்குறுவீர் - வருந்தும் உலகீர். அண்மினிர் உய்யுமின் - நெருங்கி அருள்பெற்று உய்யுங்கள்.

கொடை இலார்கள் தமைக் குறையுற்று ஏத்தி உயங்குறுவீர் கொடையால் உயரும் தணிகைக் குருவை அண்மினீர் உய்யுமின் என இணைத்துப் பொருள்
கொள்க.

முருகனை அடைந்தோர் பெருநல மடைவர் என்பது குறிப்பு.

(80)

வேறு

(கு - ரை.) மருங்குல் - இடை. இடைதுமிய - இடையே ஒடிய. சுணங்கு - தேமல். புளகம் - மகிழ்ச்சி. களபம் - கலவைச்சந்தனம். எறுழ் - வலிமை. பயன் நாள் ஆகும் - பயன் தரும் நாட்கள் ஆகும்.

மருங்குல் துமிய விம்மி எழுந்து பரந்து சுணங்கு குடிகொண்ட களபக் கனதனத்தீர், அழகன் தோள் தழுவப்பெற்றீரேல் இந்நாள்காறும் கழிநாளும் பயன்நாள் ஆகும் இயல்பீர் ஆவீர் என்க. ஆவீர் என்பது வருவித்துரைக்கப்பட்டது.

(81)

(கு - ரை.) பீர் - பசலை. பிடர் - புறங்கழுத்து. நிறை - உள்ளத்தின் உறுதி. வேர் - வியர்வு. நுதல் - நெற்றி. மேவார் - பகைவர். இனைதல் -
வருந்துதல்.