முலையும், குழலும், கண்ணும், நெஞ்சும், நுதலுமாய் இனை நல்லோய் தணிகைவரைச் செம்மல் கலவி சிந்தி என முடித்துப் பொருள் கொள்க.

தணிகைவரை முருகனை நினைத்த அளவில் மனத்துயர் அகலும் என்பது குறிப்பு.

(82)

(கு - ரை.) சிந்தித்து - நினைத்து. தரிசித்து - பார்த்து. வந்தித்து - வணங்கி. வழுத்தி - புகழ்ந்து. பந்தித்து - கட்டி. அடர்க்கும் - வருத்தும். சவட்டி - மிதித்து அழித்து. கந்தித்து - நறுமணத்தைப் பரப்பிக்கொண்டு. எதிர் - ஒப்பு.

சிந்தித்து அறியேன் தெரிசித்து அறியேன் வந்தித்து அறியேன் வழுத்தியறியேன் எனினும் அடர்க்கும் மலம் சவட்டிப் பரமானந்தம் எனக்கு அளித்தான் கந்தன் கருணைக்கு எதிர் உண்டோ என்க. எனினும் என்பது வருவிக்கப்பட்டது. "உண்டோ" - என்பதில் "ஓ" - எதிர்மறை.

(83)

(கு - ரை.) ஓர்ச்சியும் - உணர்வும். அது அது ஆய் - அவ்வப் பொருளாய் (பல்வேறு பொருள்களாய்). கண்டு கேட்டு உண்டு உயிர்த்து உற்று - முறையே கண், செவி, வாய், மூக்கு, மெய்களால் புலன்களை நுகர்ந்து. புலையேனை - கீழ்மகனாகிய என்னை. தீர்த்தம் தலம் மூர்த்தி வடிவு மூன்றும் கொண்டு - தீர்த்தமாகவும், தலமாகவும், மூர்த்தியாகவும் மூன்று வடிவம் கொண்டு. இறும்பூது - அற்புதமே ஆகும்.