கெடுக்கும். நீரது - தன்மையையுடையது. என்ப - அசை. என்ப என்ப தைப் பலவறி சொல்லாகக்கொண்டு என்று ஆன்றோர் கூறுவார்க ளெனினுமாம்.

(5)

(இ - ள்.) நைமிசத்திற் பொருந்திய முனிவர்கள் ஆசை முதிர்ந்த வலிய பிறப்பினைக் கெடுக்க ஆய்த எழுத்தினையொத்த மூன்று கண்ணையுடைய (தமதடியார்க்கு வேண்டுவனவற்றை வரையாது கொடுக்கும்) வள்ளலாகிய சிவபெருமானை நாடுதல் வினைமுதிர்தலானே, நல்வினை தீவினைகளாகிய இருவினைகளையும் மேலும் மேலும் ஈட்டி ஈட்டி விரும்பும் இன்பவாழ்க்கையினை விண்ணுலகத்தினிடத்தும் வைத்து வினையைச் செய்யார்.

(வி - ம்.) ஏட்டை - ஆசை; இளைப்புமாம். வர்னம் - வன்னமென விகாரப்பட்டு நின்றது. வன்னம் - எழுத்து. வள்ளலார் - ஈண்டுச் சிவபெருமான், நாட்டம் முற்றலால் - நாடுதல் முதிர்தலான். இன்பவாழ்க்கையினை விண்மாட்டும் வைத்து வினையீட்டி யிழைத்திலா மாதவரென்க. எனவே இறைவன் திருவடிப்பே றொன்றே கருதித் தவஞ்செய்பவரென்பது தெற்றெனப் புலனாகின்றது.

(6)