(இ - ள்.) சாமதக்கினியும், சற்சரனும், சயனும், சனியும், பரந்தபனும், சத்தியனும், தூமபனும், சுகனும், சத்தியும், மாண்டவியனும், சுதீக்கணனும், இரதிதனும், வாமதேவனும், பரத்துவாசனும், வசுவும், சாபாலனும், காண்டிப்பியனும், யாவரும் விரும்பத்தக்க விண்டுவென்பவனும், விருத்தனும், குண்டலனும், காசிபனும், யாவரும் புகழத்தக்க தேவலனென்பவனும்.

(12)

வேறு

(இ - ள்.) அசிதனை முதலாகவுடையவர்களுமாகிய முனிவர்கள் ஒருதலையினையும் இரண்டு காலினையு முடையவரும், பல வடியினராய்ப் பல தலையினையுடையவருமாகிய பல முனிவர்கள் அன்பினோடு தவத்தை வெவ்வேறாகச் செய்கின்ற காட்சியினையுடையராவர். இவர்மாட்டு அன்பினோடு தொண்டாற்றிப் பிறவித்துன்பத்தை நீக்குகின்ற குணமிக்க மாணவர்களாய் அப்பெரியாரது குற்றமற்ற ஏவலைக் குறிக்கொண்டாற்றுவோரும் அண்மி யுவகையுற்றுத் தங்கியிருக்கின்ற காலத்து.

(வி - ம்.) ஒன்றிரண்டென்பதனை யடியினோடும் தலையோடும் கூட்டுக. பல அடியோடுகூடிப் பல தலையினாரெனப் பல என்பதனைத் தலையோடும் கூட்டுக. ஒன்றிரண்டென்பதனை மூன்றாக்கி மூன்றுகாலு மொருதலையினையுமுடைய பிருங்கியெனக் கொள்வாரு முளர். கசிவு - அன்பு. பசை - அன்பு. பீழை -
துன்பம்.

(13)

(இ - ள்.) சூரியனது சிவந்த கிரணங்களையெல்லாம் வாங்கி இனிதாக இணைத்துவிட்டா லொத்துள்ள சடையும், ஆகாயத்திற் பரவுகின்ற வெண்மையையுடைய சந்திரனைப் பொடி செய்தெடுத்தாலொத்த பாவமுற்றிலும் போக்குகின்ற விபூதியும் (ஆன்மாவோடு அத்துவிதமாகிக்) கலந்த உள்ளிருளாகிய ஆணவந்திரண்டு வடிவம்கொண்டு வெளியிலே விளங்கினாலொத்த உருத்திராக்கக் கண்டிகையும், மேன்மை பொருந்திய பதினெண் புராணங்களும் விளங்கும் சூதமுனிவனும் ஆண்டுப் பொருந்தினன்.

(14)