சூழப்பெற்ற பவானிசங்கரமென்னும் தலமும், தேவலோகத்திலுள்ளவர் மகிழ்வுடன் வந்து வணங்குகின்ற சரவணமென்னும் தானமும், தருமம் விளங்கின்ற குமாரபுரமும், வாசனையை வெளியிட்டு மலர்கள் விரியப்பெற்ற கடம்பமாவனமும், பாபத்தை நீக்குகின்ற வன்னித்தான மென்னும் தலமும், நீரோடைகள் நிறைந்து சுற்றிய சத்திபுரமும்.

(வி - ம்.) புயல் - நீர். விண் - ஆகுபெயர். மறம் - பாவம். வாங்கிய - வளைந்த.

(49)

(இ - ள்.) (அடியார்கள் விரும்பிய) பல வரங்களையு முதவுஞ் சண்முகபுரமும் சிறப்பு மலிந்த கன்னபூடணமென்னும் தலமும், அழகு பரந்தெழுகின்ற கீர்த்தி பூடணமென்னும் தலமும், வாகுலேய மாபுரமென்னும் தலமும், தூய்மையே பொருந்துகின்ற ஆரூடமென்னும் தலமும், திருவேடகமென்னும் தலமும், பலவித ஒலிகளு மலியப்பெற்ற நல்ல பிரமதமோசமெனுந் தலமும் காத்தலை மேற்கொண்டி யாவர்க்கு மருளினைச் செய்தற்கேதுவாகிய கந்தமாதன மென்னும் வைப்பும், மிகவுமுயர்ந்த சிகரங்களோடு கூடிய கிரவுஞ்சமென்னும் வைப்பும்.

(வி - ம்.) போகு - உயர்ந்த.

(50)

(இ - ள்.) தவங்கள் முற்றுதற்கேதுவாகிய வேதசயிலமென்னும் தானமும், (தன்னை யடைந்தவர்களுக்கு) இன்பினைச் சேர்த்தற் கேதுவாகிய சத்தியவாசக மென்னும் தலமும், பிறவியினால் வருகின்ற குற்றங்களை நீக்குதற்கேதுவாகிய குமரகோட்டமும், எழுவகை யுலகின் கண்ணுள்ளவர்களும் விரும்பிப் பொருந்துகின்ற கௌமாரமென்னும் தலமும், பவளத்தின் வளப்பத்தினை யுடைத்தாகிய தாமிரசூடத் துவசமென்னும் தலமும், வில்வாரணியமும், மிக்க ஒளியோடு கூடிய மயில்கள் மதம் நீங்குதற்கேதுவாகிய விடத்தோடு கூடிய தேவகும்பக்குகைத் தானமென்னும் வைப்பும்.

(வி - ம்.) மயூரம் - மயில்.

(51)