பெற்ற நூற்றிருபத்தெண் டளிகளினும் மேலாகி விளங்கும். வினையின் சேட்டைகளை நீக்கி வீடுபேற்றினைத் தர வன்மையையுடைய சத்தியவிரத சூரியனுக்குரிய தானமாகி (மக்கண் முதலியோர்க்கு) இன்பினைத் தரவல்ல சிவபெருமானுக்குச் செவியறிவுறுத்தது இத்தலமல்லாமல் வேறு தலம் இன்மையான்.

(வி - ம்.) உம்மை உயர்வு சிறப்பு. பாற்கரன் - சூரியன். கேத்திரம் - க்ஷேத்திரம் என்பதன்றிரிவு. இதம் - இன்பம். அருண்மொழி-செவியறிவுறுத்தல் ஆணவம் நீங்கியும் வாசனை நீங்காதாதலின் அவ்வாசனாமலத்தையும் என்றும்மை கொடுத்தோதினர்.

(57)

(இ - ள்.) எக்காலத்தினுமொரு தன்மையதாக நிற்கின்ற சீபூரணகிரி ஆண்டுத் தங்குகின்றவர்கட்கு நிச்சயமாக வீட்டினைத் தருதலால் அச்சீபூரணமென்னும் பெயரினையுடையதாகும். தேவர்கள் செல்வமெல்லாம் நிறைத்து நிற்றலான் அச்சீபூரணமென்னும் பெயரினையிட்டம் மலையை வழங்குவார்கள். கணநேரத்தில் மேன்மையைக்கொண்ட வரங்களை (விரும்பியவர்க்கு) வழங்குதலால் கணிக மலையென உயர்த்துச்சொல்லும் மொழியினையுமுடையது.

(வி - ம்.) ஸ்ரீ. திரு. பூரணத்தினை - முத்தியாகிய நிறைவை. நன்று - வீடு. கணிகம் - க்ஷணிகமென்பதன்றிரிவு. வென்றி - மேன்மை.

(இ - ள்.) காரணமா யுலகமுற்றிலு முளவாக்கிய சிவபெருமானே முருகக் கடவுளைத் தனக்கு மூலகாரணனாகக்கொண்டு வணங்குதலினால் மூலாத்திரியாம். நாடோறும் மூன்று மலர்களை அழகுபொருந்திய காவிக்கொடி பூத்தலின் இருணிரம்பிய காவியத்திரியாம். (இறை