(இ - ள்.) குற்றமில்லாத ஏழாவது மனுவரையன் வைவச்சுதனாகும். இவனுக்குப் பிள்ளைகள் சாதத்தேவர்கள் பரன், சர்வவித்தமன் மானுடர், கசேரு, தருமன், இக்குவாகு, சையன், திருட்டநாபன் பொருந்திய விடபத்துவச னெனப் பதின்ம ராவரென்க.

(வி - ம்.) ஆல் - அசை. சாதம் - பிறத்தல்.

(90)

(இ - ள்.) கெடாத தேவர்கள், சூரியன், விசுவதேவர், வசு, விடபமருத்து அசுவனியாகும், இந்திரன் இஞ்ஞான்று தேவலோகத்தைத் தோளின்மேற் றாங்கினவனாவான். இளையாத விறலோடு கூடிய விண்டு காசிப முனிவனுக்கு உயர்ந்த பரந்தனவாகிய கலவைச் சந்தனத்தை யணிந்த முலையினையும், மைதீட்டிய கண்ணினையுமுடைய அதிதி யென்பவளுடைய அழகிய வயிற்றிற் பொருந்திய வாமனனாகும்.

(வி - ம்.) செகில் - தோள். அசுவனியால், புரந்தரனால் என்பனவற்றில் ஆல் அசைகள்.

(91)

(இ - ள்.) முனிவர்கள், வினைத்தொடர்பு சிறிதுமில்லாத காசிபன், வசிட்டன், விசுவாமித்திரன், சமதக்கினி, அத்திரி, கவுதமன், ஒப்பில்லாத பரத்துவாச னென்கின்ற வெழுவருமாவார். இற்றைமுறை செய்த ஏழு மனுவினுள் வைத்து மூன்றா மனுவந்தரத்துக்கூறிய முனிவராவரென்று விரித்துக் கூறினாம்; அறியுங்க ளெனச்சொல்லி.

(வி - ம்.) கேழ் - ஒப்பு. "கேழ்நிற மொளியொப் பாகும்" என்னும் நிகண்டா னறிக. அறி+மோ. மோ: முன்னிலையசை. "கொள்வாரும் கள்வரும் நேர்" என்புழிப்போல அறிவீரென்னும் முன்னிலைப்பன்மை யீறுகெட்டு நின்றது. இம் முனிவர்களே 77 ஆம் செய்யுளிற் கூறிய முனிவர்கள்.

(92)