(இ - ள்.) அக்கினியைக் கக்குகின்ற வலிமைபொருந்திய சக்கரப் படையானது இக்காலத்தும் (நம்மைவிட்டு) நீக்கத்தின்கட் பொருந்துமேயென்று ஒப்பற்ற விண்டுவானவன் மறைந்துசெல்ல, சிவந்த கரத்தின்கண் வச்சிரப்படையை யுடைய இந்திரன் விளங்குகின்ற குயில் வடிவ மிங்கும் வரப்பெற்று இறகுகளானவை நாசமாகுமே யென்று வருந்தியோட.

(வி - ம்.) உம்மைகளிரண்டும் இறந்தது தழீஇயன. தக்கன் யாகத்தி னிகழ்ந்த பரிபவத்தினைக் குறித்தலின். இகவு - நீக்கம். இந்திரன் கோகில வுருக்கொண்டா னென்பதனை "புரந்தரனாரொரு பூங்குயிலாகி, மரந்தனி லேறினா ருந்தீபற" என்னும் மணிவாசகத்தா னறிக.

(29)

(இ - ள்.) வீரபத்திரரால் நெரிக்கப்பெற்ற ஒளிபொருந்திய முகம் இப்பொழுது நெரிக்கப்பெற்றுச் செல்ல நேருமே தெரிந்திலேமென்று மடங்கி்ச் சந்திரனானவன் திசைகளிற் போய்ச் சேர நியமித்து வைத்தாலொத்த பற்களின் வரிசையும் ஒளிபொருந்திய கண்களும் சிந்துமேயானால் உயிர்தரித்திருக்க மாட்டோமெனச் சூரியர் சோர்வோடு சுழலா நிற்க.

(வி - ம்.) தெரித்திலேம் - தெரிந்திலே மென்பது வலிந்துநின்றது. மறித்து - மடங்கி. வரித்து வைத்தனைய - நியமித்துவைத்தா லொத்த.

(30)

(இ - ள்.) அக்கினி யென்பவன் கொல்ல நெருங்கிவரின் அருமையான தோத்திரங்களைச் சொல்மின். ஒளிபொருந்திய பாதங்களின் விழுந்து வணங்கி இரண்டாகப் பொருந்தி நிமிர்ந்து அஞ்சலிசெய்து நில்லுங்கள் விடுப்பானென்று விரிந்த நாவினோடு கரங்களின் கூட்டத்தை நிறைந்த அன்பினால் இயக்குவித்து மிக விரைந்து செல்ல.

(வி - ம்.) நாவினையும் கரங்களையும் நோக்கி நீவிர் முன்பறுபட்டீ ராதலின் இஞ்ஞான்றும் வாளாவிருப்பின் நுமக்குத் தீங்கு வருதலொருதலை யென்பது தோன்ற முறையே "நவின்மின்" "நிமிர்மின்" எனக் கூறினார். தக்கன் யாகத்தில் அங்கி, கரமும் நாவும் இழந்தனன்.

(31)