பணிகளையுந் தானேசெய்து திருவேங்கடமலையின் கண்ணே தங்கியுள்ளான். இவண் இதன்பொருட்டுத் தேவரீரை யடைந்தோமென்று துதிக்கப் பூவையணிந்த கூந்தலோடுகூடிய உமையம்மையாரைப் பார்த்து எங்கும் நிறைந்தவனாகிய இறைவன் அவர்கட்குத் திருவாய் மலர்ந்தருளுவான்.

(வி - ம்.) ஓங்கிய - உயர்ந்த. அடிகள் - சுவாமிகள்.

(90)

(இ - ள்.) செவ்விய ஞானசத்தியின் திருவுருவத்தினைத் தனக்குத் திருவுருவமாகக் கொண்ட தலைவனாகிய முருகன் எம்மினின்றும் வேறானவ னல்லன். யாமுமவனினின்றும் வேறாக உள்ளோமல்லோம். அவ்விளமை பொருந்திய வடிவினையுடைய முருகனிடத்தில் அன்பு செய்தவரும், பிழையியற்றியவருமாகிய இவர்கள் நம்மடித்தொண்டு செய்தவரும் (நம்பாற்) பிழையியற்றியவருமாவர்.

(வி - ம்.) அன்பு செய்தவர் நம்மடித்தொண்டு செய்தவரெனவும், அவன்பாற் பிழைத்தவர் நம்பாற் பிழைத்தவரெனவும் கூட்டுக.

(91)

(இ - ள்.) மிகுந்த அப்பிழையின்கட் பொருந்திய பிரமனுக்குச் சேர்ந்த தண்டமானது தகுதியுடையதேயாம். எங்ஙனம் அப்பிரமனைச் சிறையினின்றும் விடுவித்தலாகும். கூடிவந்து பொருந்திய நீவிர் சொல்லுங்களென்று (இறைவன்) திருவாய்மலர்ந்தருளச் செவ்விய தேன் துளிக்கும் வண்ணம் சிரித்தலர்கின்ற கொன்றை மலர்மாலையை யணிந்த சிவபெருமான் முன்னர் நடுக்கமுற்ற வுள்ளத்தோடும் சொல்வரென்க.

(வி - ம்.) உறுத்த - சேர்த்த. விடுவித்திடல், விகாரம் நக்கல் -
விகசித்தல்.

(92)

(இ - ள்.) அநாதிக் காலத்திலே (பூமணமும், உடலுயிரும்போல ஆன்மாக்களாகிய எங்களோடு கலந்திருக்கவும் அதனை யறியாது) நீங்கி, ஆணவத்தோடத்துவிதமான துன்பத்தைத் தருகின்ற குற்றத்தைக் கருணையே வடிவமாகிய பெருமானே! கண்ணுற்று அறிவிச்சை