வென்றி - மேம்பாடு. இதனை "வண் டுறைசை வென்றசீர் நமச்சிவாய மெய்க் குரவனை வணங்கி" என்னும் தருக்க சங்கிரகக் காப்புச் செய்யுளா னறிக.

(109)

(இ - ள்.) நுண்ணறிவிலாதவன். பிரணவமென்னும் மந்திரத்தின் உண்மைப் பொருளை ஆராயமாட்டான். பிரணவமென்னும் மந்திரத்தி னுண்மைப்பொருளை யுள்ளவாறுணராதவன். முறைமாறுபா டில்லாமல் உலகங்களையெல்லாம் மேன்மை பொருந்திய படைப்புத் தொழிலான் விளக்கும் வல்லமையை யுடையவ னாகான். அரவினைத் திருவரையின் கண்ணணிந்தவனே! படைத்தற் றொழிலை யவனுக் கெவ்வாறு கொடுத்தனை.

(வி - ம்.) வயக்குவானலன் - விளக்குவானல்லன். எங்ஙனம் - எவ்வாறு. அளித்தனை - கொடுத்தாய்.

(110)

(இ - ள்.) மகனே! நீ அப் பிரணவப் பொருளைக்கூற வல்லமை யுடையையாயின் சொல்வாயென, முற்பட்ட எவ்வகைப் பொருளையும் திருவாய் மலர்ந்தருளு முறையா னன்றித் திருவாய் மலர்ந்தருளாத என தருமைத் தந்தையே! அப்பிரணவப் பொருள் நல்லோரையும் வாலிதாகிய இடமு மறிந்து வரலாற்று முறைப்படி செவியறிவுறுக்கத் தக்க தல்லவா? என்று சொன்னான்.

(வி - ம்.) எந்தை - அண்மைவிளி. பொழுது - காலம். இடம் - வாலிதாகிய இடம். ஏகாரம் வினா.

(111)

(இ - ள்.) உண்மையினையே கூறினாய். நீ செவியறிவுறுத்தற்கு இதோ மாசிமதியின்கண் மகநாளும் பொருந்தியது. உள்ளம் விரும்பும் வண்ணம் நீ பயிலுமிடமாகிய சிறப்பினை யுடைய தணிகைமலையின்கண் யாம் தங்கி உளத்தின்கட் பொருந்த அப்பிரணவப் பொருளை வரலாற்று முறைக் கேற்குமாறு யாம் ஏற்றுக் கொள்வோம். அவ்விடத்திற்குச் செல்வோம்.