(இ - ள்.) தூண்கடோறும் நீண்ட உறைகளையிட்டுத் தொங்குகின்ற காய் மாட்சிமைப்பட்ட மெல்லியவாழையும், நீண்ட கரும்பும், கமுகமரங்களும் ஆகியவற்றை ஆண்டுச் சேர்த்து மேலே விளங்குகின்ற அழகிய பட்டினால் யாவருங் காணத்தக்க மேற்கட்டியும் செய்தான்.

(வி - ம்.) உறை - மேற்போர்வை; இது தூணிலழுக்கடையாம லிடப்படுவது. "தூணுறை பொதிவாரும் தோரணம் நடுவாரும்" என்னும் காஞ்சிப் புராணம் அகத்தியப்படலச் செய்யுளா னிதனை அறிக.

(18)

(இ - ள்.) பொற்றகடுகளாற் பொருந்திய கீழிடத்தின்கண் பெருமை பொருந்திய அரதனப்பொடிகளும், பசியபொற்சுண்ணமும், ஆராய்தற்கரிய வாசனையும் நீரிற்கலந்து தெளித்து நல்ல முத்துக்களையும், மலரையும் அறுகையும் அரிசியையுந் தூவினான்.

(வி - ம்.) ஆடகம் - பொன். கீழ்நிலம் - கீழிடம். பாடமை - பெருமையமைந்த. தோடு - இதழ்.

(19)

(இ - ள்.) பொன்னாலரிந்து செய்யப்பெற்ற மாலையும், பூக்களாலாய மாலையும், ஒளி விளங்குகின்ற பலமணிகள் கலந்து செய்யப் பெற்ற மாலையும் விளங்குகின்ற கண்ணாடியுமாகிய எவையும் அலங்காரம்பெறச் செய்தான்.

(வி - ம்.) போது - பூ. தொங்கல் - மாலை. கோவை - மாலை.

(20)

(இ - ள்.) மாவிலையாலாகிய தோரணங்களை எவ்விடத்தும் தொடுத்துப் பலவகைப்பட்ட நிறங்களையுடைய கொடிகளை மேகத்தை யண்ம ஆகாயத்தி னிடமெல்லாம் நெருங்கக்கட்டி, முளைப்பாலிகையும், நிறைகுடங்களும் பொலிவுபெற்ற பூசைமேடையினிடத்து அழகு பொருந்திய தீபங்களையும்
சேர்த்தினான்.