என்ற சிந்தாமணி கனகமாலையாரிலம்பகம் ஒன்பதாஞ் செய்யுளின் கருத்தும் ஒத்திருத்தல் காண்க.

(35)

(இ - ள்.) குன்றத்தியர் விழிகளாகிய கூரிய அம்புகள் குன்றவாணர்கள் தோள்களின்கண் மூழ்குவன; அக்குன்றவாணர்களுடைய கூரிய நீண்ட வம்புகள் மதமயக்கத்தையுடைய யானையின்மேன் மூழ்குவன; பருத்த யானைகளின் கொம்புகள் பூக்களையுடைய மரங்களைக் குத்திக் குழிசெய்வன; வாசனையை யுடைய மலர்களையுடைய மரங்களின் கிளைகள் ஆகாய கங்கையின்கட் டோய்வனவாம்.

(வி - ம்.) தடித்த - பருத்த; கடித்த வாசனையையுடைய; கடி - வாசனை; ஆங்கு - அசை; இஃதொற்றை மணிமாலை யணி.

(36)

(இ - ள்.) (குறிஞ்சி நிலத்தின்கணுள்ள) மெல்லிய இலக்கணமமைந்த பெண்கள் தங்கள் விழிக்குத் தோற்ற மான் கூட்டங்களின் செவிகளைக் குறைத்து அவ்விடத்தே நிறைத்தாற்போல உயர்ந்த மூங்கில்களானவை தம் கணுக்களைமூடிய மடல்களை நீக்கும்; அம்மடல்கள் மறையும் வண்ணம் வெள்ளிய ஒளியுடைய முத்தங்களைச் சொரியும், அங்ஙனஞ் சொரிந்த முத்தங்கள் மறையும் பொருட்டு அவைகளின்மீது அரிசியைக் கொட்டும்.

(வி - ம்.) தடிதல் - குறைத்தல். 'தடிந்தெழிலி' என்றதும் இப்பொருட்டாதல் காண்க. கஞற்றல் - நிறைத்தல்; கண் - வரை, கணு; தோரை - மூங்கிலரிசி; பணை கழிக்கும் உகுக்கும் கொட்டுமென வினை முடிவு செய்க; மூங்கிலின்பாளை மான் செவிபோலக் கழன்று விழுமென்பதனை "நுண்பொறி மான் செவிபோல வெதிர்முளை கண்பொதி பாளை கழன்றுகும் பண்பிற்றே" என்னும் 43
கலியானுணர்க.

(37)