(இ - ள்.) மரகதமணியின் கிரணங்கள் தழைத்தாற்போன்ற தோகையோடு கூடிய மயின்மீது எழுந்தருளி வருகின்ற தாயையொத்த வனாகிய முருகக்கடவுள் (நீ விரும்பிய) வரத்தினைச் சொல்லுதி கொடுப்போமென்று மகிழ்ச்சி மிகப்பெற்று அழகிய வாயாகிய மலரைத் திறந்து கூறினான். துதிக்கின்ற பிரமன் மகிழ்ச்சி மிகப்பெற்று உலகத்தை யுளவாக்குந் தன்மையை எளியேனுக் கருள்செய்யக் கடவாயென்ன அதனைக் கொடுத்து, எம்மாட்டுக் கலந்த தன்மையையுடையை இன்னும் வரங்களை வேண்டிக் கோடல் செய்வாயாக என்று திருவாய் மலர்ந்தருளப் பிரமன் வேண்டிக்கோடல் செய்தான்.

(வி - ம்.) வேண்டுக வென்பது விகாரம். அஞ்ஞை - தாய். வேதன் - பிரமன்.

(96)

(இ - ள்.) (தவத்தினைச் செய்வோர்) விரும்பிய நல்ல வரங்களைக் கொடுத்து விடுத்தலைச் செய்யுந் தலைமையிலர்க ளாகிய விண்ணவர்களுள் வைத்து விரும்பிய நல்லவரங்க ளனைத்துங் கொடாராகி விரும்பிய வளவிற் கொடுப்பவருஞ் சிலராவர். விரும்பிய வரங்களைக் கொடுத்து அதன்மேலும் வேறாக நல்லவரங்களைக் கொடுக்க வினாவி யளிக்க விரும்பிய தலைவராகிய முருகக்கடவுளது கருணைத் திறத்தைக் கருதி வியப்பாகிய கடல் பெருகப்பெற்ற வுள்ளத்தையுடைய பிரமன்.

(வி - ம்.) தவஞ் செய்வோர் வேட்டவரங்களை அளித்தனுப்பும் பெருமை யில்லாதவர் எனவே அவர்க்கு வரமளிக்குந் தன்மையின் றென்பது போதரு மென்க. வழங்கார் - முற்றெச்சம். விம்மிதம் - வியப்பு. புணரி - கடல்.

(97)