கோபம் பொருந்திய காலத்துச் செய்வதின்னது தவிர்வதின்னதெனப் பாகுபாடு செய்துணராது நினைத்ததைச் செய்து முடிப்பார்போல அலைத்தலைச் செய்யும்.

(வி - ம்.) உருமின் ஐந்தாவது ஒப்புப்பொருட்டு; கனவல் - கனாக்காண்டல்; கனவு பின்வருதலால் பொருதமுற்றொழில் நனவை யுணர்த்திற்று; வீ - பூ ;

என்னுங் கலி. 49-ஆம் செய்யுளும் ஈண்டு நோக்கத்தக்கது; இது மயக்கவணி.

(42)

(இ - ள்.) இளமை பொருந்திய வேங்கைக் குட்டிகள் ஐயோ ஊழான் இயல்பின் வந்துபொருந்துவதாகிய பொருளினை ஆக்கும் பொருட்டு முனைந்து ஆக்கக்கேடு முதலியவற்றிற்குரிய உபாயங்களான் ஆராய வேண்டுவதனை ஆராயாதவராகி மிக விரைந்து களைப்போலக் கொல்வதாகிய திறமொன்றனையே கருதியதனால் வேகங்கொண்டு பாய்ந்து இடப்பக்கத்து உயிர்நீத்து வீழும் வண்ணஞ்செய்து அதனை யுண்ணாது செல்வன.

(வி - ம்.) வாய்வதாகிய பொருள் - ஊழாற்றமக் கியல்பாக வந்தமையும் பொருள்; கதழ்ந்து - விரைந்து; தாய் - தாவி; - செய்தென் வாய்பாட்டு வினையெச்சம்; வேங்கைகள் ஒளிந்திருந்து பாய்ந்துகொன்று வீசிய மிருகம் இடப்பக்கத்து வீழின் உண்ணாது செல்லுமென்பதனை அகநானூற்றானும், "கடமா தொலைச்சிய, கானுறை வேங்கையிடம் வீழ்ந்த துண்ணா திறக்கும்" என்னும் நாலடிச் செய்யுளானு முணர்க. அன்னோ - இரக்கக் குறிப்பு.

(43)

(இ - ள்.) (கண்டார் காதல் கோடற்குக் காரணமாகிய) மான்போலு நோக்கத்தினையுடைய அக் குறிஞ்சிநிலப் பெண்கள் (புனத்தின்கண் தினைக்குரலைக் கவர்கின்ற) குருவிகளை யோட்டுகின்ற தங்கள்