(வி - ம்.) சால் - மிடா, கோங்கங்காய்மிடாப் போன்றிருத்தலை முன்னர்க் கூறினாம். இலவங்காய் அணில்போன்றிருத்தலை "ஊன்தகர்த்தனைய போன்று மூடெரி முளைப்ப போன்றுந் - தோன்றுபூ விலவத்தங்கட் டொகையணி லனைய பைங்காய் -" என்னுஞ் சிந்தாமணி (கனக மாலையார் - 145) செய்யுளானறிக. தக்கோலம் : ஒருவகை மரம்; வால்மிளகென்பாருமுளர்.

(36)

(இ - ள்.) கரையினிடத்து முட்டைகளையணைத்து அவயங்காக்குங் களிப்பினையுடைய மயில்களும் கயிலையின் கண்ணுள்ள தீர்த்தத்தின் அலையினிடத்து முட்டைகளை நோக்கிய மீன்களும், அம்முட்டைகளை நீரின் கண்ணிருந்து சிந்தனை செய்கின்ற யாமையுமாகிய இவைகள் மூன்றும் வாசனையைச் செய்கின்ற கடப்பமாலையினையணிந்த முருகப்பெருமான் பரிசத்தானும், பார்வையானும், மேலாம் வண்ணம் நினைத்தலானும் அருளினைப் பூமியின்கண்ணுள்ள ஆன்மாக்களுக்கு அளிக்கும் பரிசம், நோக்கு, பாவனையாகிய மூவகைத் தீக்கையின் வகையினைக் காட்டத் தழைத்த நெஞ்சினோடும் நீரின்கண் மூழ்கினான்.

(வி - ம்.) இத்தீர்த்தம் கைலைக்கணின்றும் அழைக்கப்பட்டதாதலின் அதிலுள்ள மீனத்தை "கைலையந் தீர்த்தத் திரைத்தலைச் சினையை நோக்கியமீன" மென்றார். மூவகைத்தீக்கை, நோக்கம் - பரிசம் - பாவனையென மூன்றாகும். இதனை "அன்னதன் சிசுவை யைய னாமைமீன் பறவை போல" எனவருங் கைவல்லியச் செய்யுளானறிக, விரைத்த வாசனையையுடைய. அண்டம் - சினை. அடைகிடக்கும் - அவயங்காக்கும்.

(37)

(இ - ள்.) வந்து பாதத்தின்கண் வணங்கிய மாதவத்தினர்க்கு அழகிய கையாகிய மலரினைத் தூக்கி யஞ்சலிசெய்து தன்னை வந்தெதிர் கொண்டவர்களைத் தழுவுதல்செய்து, சுகாசனம் பத்மாசனம் முதலிய ஆதனங்களிலிருந்து தவஞ்செய்கின்ற பேரறிவினையுடையார்க்கு வணக்கஞ் செய்து வாசனை விரிகின்ற சோலையாற் சூழப்பெற்ற தணிகைமலையினை வலம்வந்து நிறம் பொருந்திய மணிகள் பதிக்கப்பெற்று ஒளி