வேறு

(இ - ள்.) சிவதத்துவ வமிர்தமென்னும் திருப்பெயரினைப்பொருந்துங் குளிர்ந்த தீர்த்தத்தினை இவ்விடத்து நதியைப்போல வரும் வண்ணஞ் செய்து அதனிடத்தடியேனை மூழ்குவித்து எடுத்துப் பிறவி மல்குவதற்கேதுவாய பாசம் பசு பதியாகிய முப்பொருள்களின் றன்மையைச் செவியறிவுறுத்துச் சிவதத்துவ வமிர்தமாகிய கடலின்கண் மூழ்கி விளங்கும்படி செய்வாயாக வென்றனன்.

(வி - ம்.) பவமுற்றியபாசம் - பிறவி மல்குதற்கேதுவாகிய பாசம். திறம் - தன்மை. சிவதத்துவ வமிர்தக்கடல் - வீடு.

(60)

(இ - ள்.) தெளிவு பொருந்திய (நந்தியெம்பெருமான் விழைந்த) வரத்தினை நல்கும்பொருட்டுத் தணிகைமலைக் குரியவனாகிய முருகக்கடவுள் மேற்கு முகமாக நின்றவனாகி விளங்குகின்ற தத்துவமிர்தமென்னும் தீர்த்தம் வரக்கடவதென்று கையாகிய மலரால் மூன்று முறை சுற்றலும் அச்சமுற்று மக்கள் வருந்தும் வண்ணம் அத்தீர்த்தம் விரைவாகி வந்தது,

(வி - ம்.) நிருதித்திசை - மேற்குத்திசை. முக்கால் வளைவித்தலு மெனக் கூட்டுக. வரும் + ஆல் : அசை. வரும் : கால வழுவமைதி.

(61)

(இ - ள்.) உமையம்மையாருக்கு எழுந்தருளியிருக்குமிடம் இடப்பாகமாகப் பொருந்தப்பெற்ற மேலானவனாகிய சிவபெருமான் திருமுடியாகிய தடாகத்தின் கண்ணுள்ள கங்கையாகிய நீர்பொங்குதலுற்றுச் சிந்துகின்றதையொப்ப உயர்வாகிய வில்வமா சயிலத்தின்கட்டங்கிய தீர்த்தம் விரைவாக இழிந்து ஆண்டுள்ள மண்பிளக்க நதியாக எழுந்து வந்தது.

(வி - ம்.) இடம் இடமாகிய வரதன் - இடம் இடப்பாகமாகப் பொருந்தப்பெற்ற வரதனென்க. துங்கக்கிரி - வில்வமாசயிலம். தோயம் - நீர். எழுதரும் : காலவழுவமைதி.

(62)