அளவிலடங்குதற் கருமையாகிய பிறவிக்கடலினின்று மேறுகின்றவனைப் போலப் பெருமை பொருந்திய கரையின்கணேறி உள்ளத்தின்கட்டழைத் தெழுகின்ற மகிழ்ச்சியினை மேற்கொண்டான்.

(வி - ம்.) களி - எக்கர். ஏறுகின்றான் - ஏறுகின்றவனைப் போன்று, முற்றெச்சம். ஏறுகின்றானென்பதை ஏறுகின்றவன் மகிழ்ச்சிகொண்டானென
முடிப்பினுமமையும்.

(79)

(இ - ள்.) கச்சினையணிந்த தனங்களையுடைய பெண்களும், பொன்னும் மண்ணுமாகிய மூன்றும் நிலையுடையனவல்லவென்று அவைகளை நீக்கிய நந்தியங்கடவுள் இவ்வாறு மகிழ்ச்சியுற்ற காரணத்தான் வாசனை விரியப்பெற்ற மலரினையும், பொன்னையும், இரத்தினங்களையும் வாரியலங்கரித்துச் செல்லும் புதிதாகத்தோன்றும் நதியின் பெயர் நந்தி நந்தினியாமென் றுயர்ந்தோர் சொல்லுவர்.

(வி - ம்.) வம்பு - கச்சு, நிலையின்மை, வாசனை, புதுமை. மாழை - பொன்.

(80)

வேறு

(இ - ள்.) நிறைந்த தவத்தினோடு தூய்தாகிய அழகிய மனத்தினையுடைய நந்தியெங்குரவன் பின்னர்ச் சிவகுமாரராகிய தணிகைப்பதி யின்கணுள்ள வரையாது கொடுக்கும் வள்ளற்றன்மையுடைய முருகக் கடவுளது தாமரை மலரினைவென்ற இரண்டு திருவடிகளிற் றாழ்ந்தெழுந்து மிக்கெழுமன்பினாற் சிலமொழிகள் சொல்லத்தொடங்கினான்.

(வி - ம்.) வள்ளலது, கழலிணைகளில் வேற்றுமை மயக்கம்.

(81)

(இ - ள்.) அயனரியரனென்னு மூவருக்கு மருமையானவனே பெருமான் திருவருளின் வலியான் தேவர்களுக்கும் எய்தற்கருமையாகிய செல்வமடைந்துள்ளேன். ஒழிவில்லாத இன்பக்கடலின்கண் மூழ்கக் கெடுதலில்லாத உண்மைப் பொருளினுபதேசத்தை இனிப் பெருமான் என் செவியறிவுறுக்கப் பெறுவேன்.