என்றும்,

என்றும் வருதலால் இப்பாவங்கள் யாவும் இத்தீர்த்தத்தில் மூழ்குவோர்க்கு ஒழிதலோடு செய்ந்நன்றி மறந்த பாவமும் ஒழியும் என்று இத்தீர்த்தத்தின் சிறப்புக் கூறிய தறிக.

(30)

(இ - ள்.) அக்குமார தீர்த்தத்தில் மூழ்கினால் தம் பகைவரைப் போர்க்களத்தில் பணியவைக்க வேண்டினாலும், கிளைக்கின்ற நட்பைப் பெருக்க வேண்டினாலும், மிக நல்லவற்றைத் தம் சுற்றத்தார்க்குச் செய்ய வேண்டினாலும் தகுதி பெற அவைகள் யாவற்றையும் முற்றுவிக்கும்.

(வி - ம்.) அகைத்தல் - கிளைத்தல், அஃதாவது மேலுமேலும் பெருகுதல். அகையுறு நட்பு, மேலும்மேலும் கிளைக்கின்ற நட்பு. ஒக்கலின் - சுற்றத்தார்க்கு. இன் என்னும் ஐந்தனுருபு மூன்றனுரு போடு மயங்கிற்று ; வேற்றுமை மயக்கம். தகை - தகுதி, தோயின் - மூழ்கினால் ; குளித்தல்.

(31)

(இ - ள்.) நற்புதல்வரைப் பெற விரும்பினாலும், நல்லறிவினைப் பெற விரும்பினாலும், சினம் பொருந்திய யானையைப் பெற விரும்பினாலும், அரசராக வெண்கொற்றக் குடைக்கீழ் இருக்க விரும்பினாலும், பால்போன்ற இன்சொற்களை யுடைய இளமங்கையர் இன்பம்பெற விரும்பினாலும் இத்தீர்த்தத்தில் மூழ்கினால் அவர் விருப்பப்படி அவற்றை அது தரும்.

(வி - ம்.) கதம்மலை - சினமுள்ள மலை, மலைபோல்வதாகிய யானைக்கு ஆகுபெயர். பிறரும் "கைவரை எனத் தகையகாளை உரை" என்றார். கதம் - சினம். யானைக்குச் சினம் இயற்கையாகலான்,