(இ - ள்.) மலங்களாகிய இருளைப் போக்குதலால் அத்திருத்தணிகை ஞாயிற்றை ஒத்ததாகும்; அறிவு மயக்கத்தைத் தரும் நோய்களைக் கெடுத்தொழித்தலால் மருந்தினை ஒத்ததாகும்; வேண்டிய வேண்டியாங்குப் பல்வகைப் பொருள்களையும் போகங்களையும் உண்டாக்கித் தருதலால், புகழையுடைய சிந்தாமணியும் கேட்டவற்றையெல்லாம் தருகின்ற ஐந்து தருக்களையும் இருவகை நிதிகளையும் காமதேனுவையும் உடைய இந்திரனுலகை ஒத்ததாகும்.

(வி - ம்.) இரவி - ஞாயிறு. மருள்பிணி - மயக்கத்தைத் தரும்பிணி; துமித்தல் - துணித்தல்; கெடுத்தல். பொருள் - விரும்பிய பொருள்கள். சிந்தாமணி, ஒருவனுக்கு விரும்பியவற்றையெல்லாம் தரும் ஒருவகைக் கல். தரு - அரிசந்தானம், கற்பகம், சந்தானம், பாரிசாதம், மந்தாரம் என்னும் ஐந்து மரங்கள். நிதி - சங்கநிதி, பதுமநிதி என்னும் சங்கு வடிவத்தினும் தாமரை வடிவத்தினும் அமைந்த இருவகைப் பொருள்தரும் கருவிகள். தேனு - பசு. இதுவும் மேற்குறித்த பொருள்களும் எவரெவர் எதையெதை விரும்புகின்றனரோ அதை அதைத் தவறாது கொடுக்கவல்லன வென்பர். இக்கருத்தை,

என, மணிமொழிப் பெருமானும்,

எனத், திருநாவுக்கரசரும்,

எனப், பட்டினத்தாரும் அருளுமாற்றால் தெளிக.

உம்மை : செவ்வெண்ணாக வந்தது. பெயர்களோடு கூட்டிப் பொருள் கொள்க. ஆலும், ஏயும் அசை நிலைகள்.

(47)