தொழுது உண்மையுணர்வு வலியுடையனாகிய முருகப்பெருமானையும் சார்ந்து வழிபடுவோர்.

(வி - ம்.) வான் - வானிடம். வரை - மலை. மேகமண்டிலம் வரை உயர்ந்திருப்பதாகலான் அச்சிறப்பு நோக்கி, வானளாவிய மல்லல் வரை யென்றார். அருளா, தொழா என்பன செய்யா என்னும் வாய்பாட்டு வினையெச்சம். அச் சகாயன் - அந்தச் சகாயன். பண்டறி சுட்டாக அத்தல விநாயகராகிய ஆபத்துச் சகாய விநாயகரைச் சுட்டிநின்றது. ஓடு : மூன்றனுருபு; உடனிகழ்ச்சி. ஈனம் - துன்பம்; நோய் வறுமை முதலியவற்றான் வரும் துன்பங்களும் பிறவித் துன்பமுமாம். குமார லிங்கம்; அத்தலத்து இறைவன் திருவுருவாகிய இலிங்கம். ஞானசத்திதரன் - ஞானசத்தியைத் தரித்தோன். அஃதாவது உண்மையுணர்வு, மெய்யறிவுடையோன் என்பதாம். பிறர்விளக்க விளங்கா இயற்கை யறிவினனாதலால் இவ்வாறு கூறப்பட்டது. நண்ணுவோர் - சென்று வணங்குவோர் என்று பொருள் கொள்க.

(62)

(இ - ள்.) அளவுகடந்த அறங்களையெல்லாம் கணக்கிலடங்காத பல ஊழிக் காலங்களில் செய்த அவ்வறப்பயனால் வரும் பயன் யாவும் எய்தப் பெறுவர்; அஃதன்றியும் நான்முகனைப் பெருமைமிக்க திருமாலை இறவாது பாதுகாத்து நிலை நிறுத்திவைக்க நினைந்தாலும் அத்தகையோர்க்கு அச் செயல் மிக எளிமையானதாகும்.

(வி - ம்.) மற்றும்; அரோவும் அசை நிலைகள். புண்ணியம் - நல்லறம். ஊழி - உகமுடிவு. வேதன் - நான்முகன். மால் - திருமால். அளித்து - பாதுகாத்து, ஒருவர் மற்றொருவரைப் பாதுகாப்பதாயின், காப்போர் காக்கப்படுவோரின் மேனிலையரா யமைதல் வேண்டுவதால், மக்களைக் காத்தான் என்றால் தாய் தன் மகார்களினும் அகவையாலும் அறிவு ஆற்றல் முதலியவற்றானும் சிறந்திருந்தமையாலன்றோ ? அஃதொப்ப நான்முகனையும் திருமாலையும் காக்கும் ஆற்றல் முருகப்பெருமான் திருவருள் பெற்றோர்க்கு அரிதன்று; மிக எளிமையாகும் என்றபடி. இப்பாட்டுடன் குளகம் நிறைவுறுகின்றது. இக்கருத்தை யொப்ப,

எனப் பரஞ்சோதியார் (திருவிளை, இந்திரன்பழி.) ஓதுதல் காண்க.

(63)

வேறு