அற்றைக்கு முதனாள் இரவு வேந்தன் கனவில் இறைவன் காட்சி கொடுத்து "மன்னவ! எமக்காகத் திருநின்றவூரில் பூசலார் அமைத்த திருக்கோவிலில் நாளை யாம் குடிபுகுவேம்; "நீ வேறொரு நாளில் குடமுழுக்குச் செய்க" என்றருளினர். பின்னர் அரசன் திடுக்கெட்டெழுந்து, இறையருளுக்கு வியந்து தன் பரிவாரங்களோடு திருநின்றவூர் சென்று பார்க்குங்கால், புதிதாக அமைத்த கோயிலொன்றுங் கண்டிலன்; மன்னன் அங்குள்ளார் பலரை வினாவியும் அறியானாய்ப் பூசலாரைக் கண்டுகொண்டான்; அவர் நாம்தாம் உள்ளத்தில் கோயிலை யெழுப்பினோம்; அதற்கு இன்று குடமுழுக்கு விழா என்பதையும் விளக்கிக் கூறினர். பின் அரசன் வணங்கிச் சென்றனன். இதனை இறைவன் கூற்றாகவரும் பெரியபுராணச் செய்யுள் இனிதுணர்த்துவதாகும்.

என முழுமுதற் பொருளான இறைவனே கூறினா னெனின்? அகத்திற் கொள்ளும் உண்மையன்பே இறைவற்கு உகந்ததென்பது பெறப்படும். அதனால் ஈண்டும் முருகப்பெருமானுக்குச் சித்திரித்தேனும் திருவுருவமைக்க மனத்திற் கருதுவோர்க்கு உருவமைத்தோர்க்கு எய்தும் பயன்யாவும் பயப்பது உண்மையே என்றார்.

(87)

(இ - ள்.) சரியை கிரியை யோகமாகியவற்றில் மேலோங்கி நின்றோர்கள் வேற்படையை மேலாகக்கொண்ட முருகப்பெருமானுக்குரிய திருவுருவங்களில் ஒன்றேனும் செய்தாலும், அவற்றுள் ஒன்றைக் கருதிவந்தாலும் தொழுது போற்றினாலும் அருமையான வழிபாடு திருவிழா முதலியன செய்தாலும் அவர்கள் அடைகின்ற பெறலருஞ் சிறப்பை விளங்குமாறு எடுத்துரைப்பது அருமையதாகும்; மிகத் தெளிவுபெற்ற முனிவர்களுட் சிறந்தோனே.

(வி - ம்.) சரியை - புறத்தொழில் மாத்திரையால் உருவத் திருமேனியை வழிபடுதல். கிரியை - சிவாகமங்களில் விதித்தவாறு சிவ பெருமானை அகத்தும் புறத்தும் வழிபடுதல். யோகம் - ஐம்புலன்களைத் தன் வயப்படுத்திக் கொண்டு மனத்தை இறைவன்பால் நிறுத்துதல். இம் மூவகை நெறிக்கண் நின்றாரும் திருமுருகப்பெருமான் திருவுருவமைத்து வழிபடின், அதனால் அவர்கட்கு வரும் அரும்பயன்களை அளவிட்டுரைத்தல் ஒல்லாது; அவர் நினைந்த நல்லனயாவும் ஒருங்கே கிட்டும் என்றபடி. தெளிந்த முனிவரன் - அறிவுத் தெளிவுபெற்ற அகத்திய முனிவன்.

(88)