இக்கருத்தை,

எனச் சிவப்பிரகாசர் அருளியதும் காண்க.

இவற்றின் விரிவெல்லாம் ஈண்டெடுத்துக் கிளப்பின் மிக விரியு மாதலான் சிவஞானபாடியம், சிவஞான சித்தியார் போன்ற ஞானநூல்களில் தெளிவுபடக் காண்க. தோம் - குற்றம். மின் - மின்னல் தோன்றி மறையும் காலவெல்லை; அந்த அளவுள்ள சிறிது காலத்துக்குங்கூட அவர் குற்றமின்றி இருக்கும்நிலை ஈண்டுக்
குறிக்கப்பட்டது.

என்னும் தேவர் குறளறமுங் காண்க.

(105)

(இ - ள்.) நாளங்களையுடைய தாமரைகளும், கூட்டமான அன்னப் பறவைகளும், வாளை ஆரல் கெண்டை வரால் மலங்கு ஆகிய மீன்களும், நாள்தோறும் குடிகொண்டிருக்கின்ற அத்தன்மையுடையதாய். அதில் மூழ்கினாருடைய இருளுடைய மலமாகிய நஞ்சைக் கெடுத்தலை யுடைத்தாகிய சிவகங்கை யென்னும் தடாகத்தைக் கண்டு சார்ந்தான்.

(வி - ம்.) தாள - தாள்களையுடைய; ஈண்டுப் பலவின் படர்க்கை அஃதாவது தாமரைகளின் அடித்தண்டு. இது, நாளமெனவும் வழங்கும். ஓதிமம் - அன்னப்பறவை. மலங்கு - பாம்புபோன்ற தலையும் உடலுங்கொண்டு மீன்வால்போல் வாலும் உள்ள நீண்ட வடிவமைந்த ஒருவகை மீன். நித்தல் - நித்தம்; நாள்தோறும் : இறுதிப்போலி. இருள்பலம் - மயக்கத்தைத் தரும் ஆணவமலம். காளம் - நஞ்சு. பாம்புக் கடியினால் நஞ்சேறி ஒருவன் உடலை மாய்த்தொழித்தல்போல, மலமும் ஓர் ஆன்மாவின் தன்னிலையை மறக்கச்செய்து கெடுத்தலின் இருள்மலக் காளம் என்றனர். சிவகங்கைக்கண் மூழ்கினார்க்கு அம்மலப்பிணிப்பை ஒழித்தலால் "காளநீவுறுஞ் சிவகங்கை" என்றார்.

(106)

வேறு