(இ - ள்.) பிறன்மனைவியை விரும்புதல், பிறர்பொருளை விழைதல், பிறர்பொருட்குக் கேடு நினைத்தல், உயிர்களைக் கொல்லக் கருதுதல் என்னுமிந்த நான்கும் மனத்தால் விளையும் தீவினைகள். ஏங்குதற்குக் காரணமான அழுகையும், கோட்சொல்லுதலும், பொய் கூறலும், புறங்கூறலும் ஆகிய இந்நான்கும் மொழியிற் றோன்றுந் தீவினைகள். பிறன் மனையாளைச் சேர்தல், உயிர்கொல்லுதல், பழிக்கப்பட்ட ஊனை உண்ணுதல், பிறர்பொருளைக் கவர்ந்து கோடல் என்னுமிந் நான்கும் உடலால் செய்யப்படுந் தீவினைகள்.

(வி - ம்.) ஆவ : பலவறிசொல். தெறுதல் - கொல்லுதல், தெவ்வல் - கொள்ளுதல். சீர் ஆகுபெயராய்ப் பொருளைக் குறித்து நின்றது.

(225)

(இ - ள்.) ஈண்டுப் பகுத்தோதிய அத்தீவினைகள் தாமே ஒவ்வொன்றும் பற்பலவாக விரியும். அவ்விரிவெல்லாம் கூறப்பட்ட மிகைத் தீவினை முதலிய மூன்றனுட் பொருந்தி அடங்குவனவாம். பிணிக்கப்பட்ட மிகைத்தீவினையும் பெருந்தீவினையும் இனத்தீவினையும் என்று விளங்காநின்ற அவைகள்தாம் தம்முள் ஒன்றற்கொன்று முறையே கொடுமை குறைந்த தன்மையனவாம்.

(வி - ம்.) அளத்தல் - ஏதுவாற் பகுத்தல். கெழும - பொருந்த. உபபாதகம் - தீவினைகட்கினம். வீறு - வேறொன்றற் கில்லாத சிறப்பு ஈண்டுக் கொடுமைப் பண்பு குறித்து நின்றது.

(226)

(இ - ள்.) ஒப்பற்ற இறைவனுக்காதல், அவன் செவியறிவுறுத்த வேதாகம மொழிகட்காதல், உவமையும் உயர்வுங் கருதியவரும்,