(இ - ள்.) செல்லும் வழிகளோ சாலவும் தீயன. அந்த வழிகளிலே வழங்கும் அரிமான் முதலிய பொருள்களும் கொல்வன. அவற்றின் மேலும் தம்மை அகப்படக் கட்டிக்கொடுபோகும் காலதூதருடைய நால்வகைப் படைகளும் மிகமிகக் கொடுமை செய்வன. இங்ஙனமாயின் அவர்நிலை என்னாம்? தென்றிசை எய்தும் அவர்படும் துயரத்திற்கு எல்லைதான் உளதாமோ!

(268)

(இ - ள்.) இவ்வாறு பல்லாற்றானும் பற்பல துன்பங்களை நுகர்வித்துச் செலுத்தி வருகின்ற அக்காலன் பணியாளர், இருள் தவழுமாறு போலக் கறுத்த உடலுடையோரும் கொடிய கொல்லுங் கூர்நுனிப் படைக்கலன்களை யுடையரும் ஆகிய வில் தவழும் தோளையும் வீரக் கழல் கட்டிய காலையும் உடைய மறவர் பலர் நெருங்கித் தன்னைச் சூழா நிற்ப வீற்றிருக்கும் தம் அரசனாகிய, மலையை ஒத்த திரண்ட தோளையுடைய கூற்றுவனுக்கு (ப் பின்வரும்) இம்மொழிகளைக் கூறாநிற்பர்.

(269)

(இ - ள்.) எம்பெருமானே! நின்னுடைய ஏவல் வழிச்சென்று தீயோரை எல்லாம் பற்றி முறைப்படியே செய்யவேண்டிய வழித்துயர் பலவும் நுகர்வித்து நின் றிருமுன்னர்க் கொணர்ந்துள்ளேம். துயரம் வளர்தற்குக் காரணமான தண்டனைகள் இத்தீயோர்க்கு யாம் செய்யக் கடவவற்றைத் திருவாய்மலர்ந்தருள்க என்றுகூற நிறைந்த பண்புடைய அவ்வறக் கடவுளாகிய கூற்றுவன் அத்தூதர் மொழியைக் கேட்டுக் கொண்டு,