(இ - ள்.) பிறைபோன்று வளைந்த பற்களையுடைய காலன் மறவருட் சிலர் தீவினையாளருடைய கால்களைப் பிடித்துச் சுழற்றி வயிரப் பாறைகண் மேலே புடைத்தலானே தலையும் மூளையும் சிதர அயரா நிற்பர். வேறுசிலர் சினமுடையராய் முசலப்படையைக் கைகளாற் பற்றித் தூக்கி மோதுகையினாலே விரைவின் எலும்புகள் முறிந்து அழாநிற்பர்.

(வி - ம்.) அடிபிடித்து எனமாறுக. கறை - கறுப்பு, ஈண்டுச் சினம். முசலம் - இருப்புலக்கை.

(276)

(இ - ள்.) தீவினையாளர் தமக்களிக்கும் உணவினைப் பெற்றுழி அவை உண்ணத்தகுந்த சோறும் பொருந்திய நீரும் எனக் காணப்பட்டு உண்ணத் தொடங்கிய மாத்திரையின், மெல்லிய கிருமிகளும் தீநாற்றமுடைய குருதியுமாக மாறாநிற்பக் கொடிய அக்கால தூதர் இவற்றையே உண்ணுமின் என்று கடிந்து முடுகி அவர் நெஞ்சம் நடுங்கும்படி உரப்புதலானே பெரிதும் துன்புறாநிற்பர்.

(277)

(இ - ள்.) வேறுசிலர் காலதூதர் துருத்தியைக் கொண்டு விசைத்து வீசாநின்ற செப்புருக்கின் நடுக்கந்தரும் துளிகள் பலகணி போன்று உடலைத் துளைத்திடுதலானே துன்புறுவர். வேறுசிலர் அவாவுறுதற்குக் காரணமான மகளிர் உருவம்போன்று சமைத்த பல சுடரையுடைய பெருநெருப்பின் கொழுந்துருவினை நன்கு தழுவி உடல்நைந்து வீழ வருந்தித் தளராநிற்பர்.

(278)