(இ - ள்.) காலதூதர் அத்தீவினையாளர்மேல் ஈர்வாளை இழுத்து இருபுறமும் செலுத்திப் பிளக்கும் நெடிய உடலை மீண்டும் பொருந்தச் செய்து கூர்த்தவாயையுடைய உடைவாளானே கொழுவிய தசைகளை அரிந்து அரிந்து பிளந்த வாயிலூட்டி. மேலும் நிறமிக்க குருதியையும் ஊட்டுதலானே சிற்சிலர் சிந்தை கெட்டு வருந்தாநிற்பார்.

(279)

(இ - ள்.) வேறுசிலர் தம் மேல் வாயினுள்ளே செலுத்தி மேலெழும்படி முடக்கினை அழுத்தி அம்முடக்கைச் சேர்ந்த திண்ணிய வலிய சங்கிலியிலே தூங்கவிட்டு வருத்துதலானே கதறி வருந்துவார். நிறமுடைய நெடிய தீயை வளர்த்துத் தலைகீழாம்படி திருப்பி எண்ணிறந்த கொடிய செயல்களைக் காலதூதர் செய்தலானே பலர் அழா நிற்பர்.

(வி - ம்.) அண்ணம் - மேல்வாய். முடக்கி - கொக்கி. தொடர் -
சங்கிலி.

(280)

(இ - ள்.) தீவினையோர் நடக்கும் பொழுது உள்ளங்காலிரண்டினும் பெயர்த்தலியலாதபடி ஊசி பாயாநிற்பவும் காலதூதர் செல்க என்று முட்டடியாலே மோதுதலானே சிலர் வீழாநிற்பர். வேறுசிலரைக் கூர்வேலினைத் திரளாக நட்ட தீக்குழியின்மேல் வீழும்படி தள்ளிச் செலுத்தலானே அவர் உடல் துளைபடுதலால் நோகுந் தகுதியை யுடையராவர்.

(வி - ம்.) கதை - தடி. முன்னுக - செல்லுக. வள் - கூர்மை. ஓச்சி - ஓச்ச. பொள்ளல் - துளை.

(281)