(இ - ள்.) இரண்டுதிங்கள் அகவையின் கால் அடிகள் கடிதடம் (அரை) பெரியகை இடை என்னும் இவ்வுறுப்புக்கள் உருவாகும். கொண்ட அவ்வடிவிலே மூன்றாந்திங்களில் மூட்டுக்கள் உண்டாகும். நான்காந்திங்களிலே கொழுவிய விரல்களும் ஐந்தாந்திங்களிலே, கூர்த்த நகமும் முகமும் மூக்கும் குய்யமும் செவியும் பற்களின் அடித்தசை யொழுங்கும் உண்டாகும். ஆறாந்திங்களிலே நெடிய செவித்துளைகளும் ஏழாந்திங்களிலே (ஆண் அல்லது பெண்) குறி விளக்கமாக வுண்டாகும்.

(304)

(இ - ள்.) எட்டாந்திங்களில் குதமும் கொப்பூழும் பிற உறுப்புக்களும், உடலிலே தங்காநிற்கும் பிராணன் முதலிய காற்றுக்களும் பொருந்தும். தாய் உண்ணும் உணவின் சாறு கொப்பூழ் வழியாக அக்கருவின் வயிற்றில் வந்துசேரும். அக்கரு மன முதலிய கருவிகளானே இன்பதுன்ப நுகர்ச்சியும் உடையதாயிருக்கும். அப்பொழுது முற் பிறப்பின்கண் நிகழ்ந்த நிகழ்ச்சிகள் அதற்குக் கனாப்போலத் தோன்றா நிற்கும். அவ்வழி உயிரை அளாவிய மோகஞ்சிறிது அகலாநிற்கும்.

(305)

(இ - ள்.) முன்பு இறப்பானும் பிறப்பானும் பலமுறை இது வரையில் துன்புற்றுழலாநின்றேம். இனி இப்பிறப்பிற் பிறந்து அங்கு அறவாழி அந்தணனாகிய முழுமுதற் கடவுளை வழிபட்டு அதன்