பயனாலே அவ்விறப்புப் பிறப்புக்களை ஒருதலையாக அறுத்தொழிக்கக் கடவேம் என்று எண்ணிச் சிறப்பாக இருக்கும் அவ்வுயிர், கருப்பையும் அதனுட் செறிந்த வழுநீரும் பிறவும் தன்னை வருத்தப் பெரிதும் வருந்தி மோகம் மீளவும் வந்து பொருந்தவும் வியானன் என்னும் காற்று உந்தித் தள்ள உணர்வு மயங்கி அரிதாக இவ்வுலகத்திலே பிறவாநிற்கும்.

(வி - ம்.) உயிர் அழிந்து கால் மிளிர்ப்ப மண்சாரும் என்க.

(306)

(இ - ள்.) இவ்வாறு நுண்ணுடலைப்பற்றிக் கொண்டு தோன்றிய பருவுடலிலே யிருந்து முற்பிறப்பிலே செய்த நல்வினை தீவினைப் பயன்களை அவ்வினைகளைப் போன்றே பின்னர் விளைக்கும் விலக்குதற்கரிய ஊழ்வினைகள் கலக்கப் பெற்று யான் எனது என்னும் செருக்குடைமையாலே நாடோறும் இன்பதுன்பமாக நுகர்ந்து இறப்புப் பிறப்புக்களிலே உயிர்கள் புக்குழலாநிற்கும் இறைவனுடைய ஒப்பற்ற திருவடி நிழலிலே புகுமளவும்.

(307)

(இ - ள்.) நாடியின் அளவு மூன்றரைக் கோடியாகும்; முதிர்ந்த மயிரின் அளவும் மூன்றரைக் கோடியாம்; பற்கள் முப்பத்திரண்டாம்; அமைந்த கைகால்களிடத்தேயுள்ள நகங்கள் இருபது. சுக்கிலம் (அல்லது சுரோணிதம்) ஓராழாக்கு. குடற்குரிய பித்தம் உழக்காம். மயங்குங்கால