(இ - ள்.) பிரமதேவனைத் திருமால் ஈனுதலானே அத்திருமாலிற் றாழ்ந்தவனாவன். அப்பிரமதேவனே அத்திருமாலை உலகிலே பத்துப் பிறப்புக்களிலே படைக்குமாற்றானே அப்பிரமனிற்றாழ்ந்தவ னாவான். தேவர்களால் தாக்கப்பட்டு ஒருகாலத்தே போராற்றன்மிக்க அசுரர் தாழ்வர். மற்றொரு காலத்தே கலகஞ் செய்யுமியல்புடைய அவ்வசுரரானே தாக்கப்பட்டுத் தேவரும் தாழ்வர்.

(318)

(இ - ள்.) ஒருவனிடத்தே வெற்றி கொண்டவன் மற்றொருவனிடத்தே தோல்வியடைவன். ஒருவனால் மிகவும் புகழப்பட்டவன் மற்றொருவனால் இகழப்பட்டு நாணாநிற்பன். ஒருவன்பால் நட்புக் கொண்டவனே மற்றொருவன்பாற் பகைகொள்வன். ஒருவனுக்கு முன்னர் நண்பனாயிருந்தவனே மீண்டும் பகைவனாகித் துன்புறுத்தலும் உண்டு.

(319)

(இ - ள்.) இறைவனுடைய திருவிழியிற் பிறந்து விளங்காநின்ற எமது பின்னர்த் தோன்றிய போர்முனையிற் பொருந்திய வீரர்களும் அண்டங்கள் அனைத்தையும் நுறுக்கும் பேராற்றல் படைத்த வீரக்கழற் கட்டிய நமது படைஞரும் சூரபதுமனுடைய வலிய போரின்கண் பட்ட துன்பத்திற்கு ஒப்பேயில்லை எனில் இனி இவ்வுலகத்தே ஏனையுயிர்கள் படுந்துன்பத்தை எவ்வாறு அளவிட்டுக் கூறவியலும்.

(வி - ம்.) வீரர் - வீரவாகு முதலியோர். கணம் - படைஞர். செல்லல் - துன்பம்.

(320)