(வி - ம்.) யோகு - யோகம். இதயத்தை நாண்மலராகவும், அம்மலரிடத்தே பெருவிரலளவிற்றாக ஒரு சிவலிங்கமுளதாகவும், அச்சிவலிங்கத்தைப் பூசைப் பொருள்களெல்லாம் மனதானே படைத்துக் கொண்டு வழிபடுவார் என்றவாறு. கதிய - கதுவிய. இயமமும் நியமமும் இதனுள் அடக்கி யோகவுறுப்பு (எட்டென்னாது) ஆறென்றார்.

(381)

வேறு

(இ - ள்.) யோகத்திற்குச் செல்வமாந் தகுதியையுடைய பிராணாயாமமும், பிரத்தியாகாரமும், தாரணையும், தியானமும், முற்கூறப்பட்ட மந்திரமும் சமாதியும் என்பனவே முற்கூறப்பட்ட ஆறு உறுப்புக்களுமாம். இவற்றுள் முன்னின்ற பிராணாயாமமாவது - நாசியின் வலப்பகுதித்தொளையை விரலாலூன்றி அடைத்து இடப்பால் தொளையினாலே மூச்சுக்காற்றினை வெறியேற்றிப் பின்னர் இடப்பகுதியை அடைத்து வலத் தொளையானே மூச்சினை உள்ளே இழுத்துப் பின் இரண்டையும் தடுத்து முரணின்றி வயிற்றகத்தே காற்றினை நிறுத்துதலேயாகும் என்று சான்றோர் கூறுவர்.

(வி - ம்.) திரு - செல்வம். விருத்தம் - முரண்.

(382)

(இ - ள்.) இப்பிராணாயாமஞ் செய்யுமிடத்தே அதற்கு விதித்த முறை பிறழச் செய்யப்படின் மிகுதியாக நோயுண்டாகும். அங்ஙனம் உண்டாய நோய் தீர்வதற்கு, அந்நோய் வாதநோயாயின் தீயினையும், தீயான் உற்ற நோயாயின் நீரினையும், நீரான் உற்ற நோயாயின் நெருப்பினையும், அந்நோயுற்ற உறுப்புக்களிலே நின்று மிகுவதாகத் தியானஞ்