(இ - ள்.) பார்ப்பனனைக் கொன்றவன் ஆயிரம் ஆண்கள்நிற்கிற நிரையின் நடுவிடத்தே மண்டபமெடுத்து ஈசானமந்திரத்தை நூறாயிரமுறை கணித்திடுக. பொருளுடையானாயின் நூன்முறையானே அவ்விடத்தே அறவேள்வி யியற்றுக. பின்னர்ச் சாந்திராயண நோன்பும் புரிந்திடுக. இன்றேல், ஒருதிங்கள் திருநீற்றறையுள் இருந்து பொறிகளை அடக்கிக்கொண்டு உருத்திரமந்திரத்தை நூறாயிரமுறை கணித்திடுக. கள்ளுண்டோன் திருக்கோயிலின்கண் இருந்து தற்புருடமந்திரத்தை நூறாயிரமுறை கணித்திடுக. பொருளுடையோனாயின் வேள்வி செய்க. மேலும் அவன் பராக நோன்பு மியற்றுக. அல்லது கள்ளுண்டான் வாயின்கண் ஆமூத்திரம் ஆனெய் வெண்கலம் என்னும் இவற்றுள் ஒன்றைத் தீயிலிட்டு விடுதலும் கழுவாயாகும். திருநீற்றறையில் கள்ளுண்டோரை வைத்தலும்
கழுவாயாகும்.

(வி - ம்.) மறையவன் - பார்ப்பனன். பொருளன் - பொருளுடையோன். நீற்றறை - திருநீற்றறை. கஞ்சம்- வெண்கலம். பூதி - விபூதி.

(417)

(இ - ள்.) பொன்னைக் களவுகொண்டவன் அகோரமந்திரத்தை நூறாயிரமுறை சுடுகாட்டின்கண் இருந்து கணித்திடுக. செல்வமுடையோன் வேள்வியும் புரிக. பிரசாபத்திய நோன்பால் உடல் வாடுதலுமாம். அவர் மன்னன்பாற் சென்று தங்குற்றங்கூறி அவனால் இருப்புலக்கையால் அடியுண்டு இறத்தலுங் கழுவாயாம். நீற்றறையிலிருந்து மாய்தலுமாம். ஆசிரியன்மனைவியை அறிவின்றி ஒருநாட் கூடினவன் வேள்விச் சாலையருகிருந்து வாமதேவமந்திரத்தை நூறாயிரமுறை கணித்து வேள்விசெய்து தத்தகிருச்சிர நோன்பு மாற்றுக. இனி அவர்