(இ - ள்.) ஈண்டுக் கூறப்பட்ட கூர்மாண்ட புவனத்திற்கு மேலே இடைவெளி ஒன்பது நூறாயிர யோசனை யுயரமாம். அதன் முடியின் மேல் ஆபாத பாதாளமென்று கூறப்பட்ட பாதாளலோகம் பத்து நூறாயிர யோசனையுயரம் என்ப. அது பொன்மயமாயிருக்கும். அதன் அகலம் பதினாயிரயோசனையாம். அதற்கு மேலுள்ள இடைவெளியும் பதினாயிர யோசனையேயாம். இப் பாதாளலோகத்திற்குக் கூறப்பட்ட அளவே ஏனைய பாதாளலோகங்கட்கும் என்ப. இப் பாதாளலோகங்கள் ஒவ்வொன்றும் மூன்று பகுதியாயிருக்கும். கீழ்ப்பகுதியில் அவுணர்களும், இடைப்பகுதியில் உரகர்களும், மேற்பகுதியில் அரக்கர்களும் உறைவார்.

(451)

(இ - ள்.) இந்தச் சிறந்த பாதாளலோகத்தின் மேலுள்ள பாதாள முதலாகவுள்ள ஆறு பாதாளலோகங்களும் நிரலே பதுமராகநிறமும், இந்திரநீலநிறமும், புட்பராகநிறமும், திண்ணிய வெள்ளிநிறமும், முத்து நிறமும் ஒன்பது மணிநிறமும் கலந்தநிறமும் உடையனவாயிருக்கும். இப்பாதாளலோக முடியுமிடத்தே அழகுமிகுந்த எண்பதுநூறாயிரம் மகளிர்கள் கூடியிருப்பர்.

(452)