(இ - ள்.) வீரர்களுள் வைத்து வீரனாகிய வீரவாகுதேவர், சூரனே! உன்னெண்ணம் இதுவேயாயி னிங்ஙனமேயாக என்று கூறினன். அஞ்சாமையோடு கூடிய வாட்படையை யுடைய சூரன் வீரவாகுதேவர் சொல்லியது செவியின்கண்ணே செல்லக்கண்க ணெருப்பைக்கான்று உடலில் மயிர்சிலிர்ப்ப (தூதனாக வந்தவன்) நிலைபெற்ற உயிரினைக் கோறல் செய்தல் பழியாகும் இவனைப் பிடித்து வலிய சிறையின்கண் ணிடுமின்க ளென்று கோபித்துத் தன் பக்கலிலுள்ள ஆயிரம் வீரர்களை ஏவினா னென்க.

(வி - ம்.) அங்கி - தீ. கோறல் - கொல்லுதல். உருத்து - சினந்து.

(141)

(இ - ள்.) அவ் வாயிரம் வீரரும் வீரவாகுதேவரைச் சூழ்ந்தனர். அங்ஙனஞ் சூழ்ந்த வீரர்கள் குடுமியைப்பற்றி முடியோடு முடிமோதச் செய்து சூரன் முன்னர்ப் போகட்டு, நீ விரைவில் அழியக்கடவாய், ஆதலால் உனக்கு விருப்புள்ள எல்லாப் பொருள்களையும், இப்பொழுதே நுகர்வாய் யான் இறைவன்பாற் செல்வேன் என்று சொல்லி எழுந்தனன். அதனைக் கண்ட சூரன் வெற்றியைக் கொண்ட இவ் வீரனைப் பற்றித் தருவாயாக! என்று வலியினையுடைய படைத் தலைவனாகிய நல்ல வலியினையுடைய சதமுகனென்னும் அவுணனுக்குச் சொல்ல அவனும் நல்லதென்று படையோடு சென்றா னென்க.

(வி - ம்.) இன்னினி - இப்பொழுது. மோ : அசை. சதமுகன் - படைத்தலைவன்.

(142)

வேறு