(இ - ள்.) படைகள் வீரவாகுவின் தாளினாற் சில்லவும், பெருமை பொருந்திய கைகளாற் சில்லவும், மலையொடு மாறுபட்ட தோளினாற் சில்லவும், இடசாரி, வலசாரியாகச் சுலாவுறலாற் சில்லவும், வீரத்தாற் புன்சிரிப்புக் கொள்ளுங் குணத்தினாற் சில்லவும், மிக்கெழுகின்ற பெரு மூச்சினாற் சில்லவும், ஆளிபோன்ற வலியுடைய வீரவாகுவின் கட்பார் வையாற் சில்லவும் கெட்டன வென்க.

(வி - ம்.) தடவு - மாறுபாடு. "தடவென்கிளவி கோட்டமுஞ் செய்யும்" என்னும் தொல்காப்பியச் சூத்திரத்தா னறிக. மொய்ம்பு - வலி.

(149)

(இ - ள்.) இவ்வண்ணம் நாலாயிரவெள்ளம்படையுமாறுபட்டுப், போரில் முற்படுஞ் சேனைத்தலைவரும் முறை முறையாக இறக்க, மன்னர்களுள் வைத்து மன்னனாகிய சூரன்மகன் வெவ்விய சீற்றமீக் கொள்ளுதலால் அச்சத்தைச் செய்யும் வளைந்த வில்லினை வளைத்து, ஆயிரங் கணைகளைச் செலுத்தினான்.

(வி - ம்.) இகலி - மாறுபட்டு. விளிய - இறப்ப. மன்னவன் - சூரபதுமன்.

(150)

(இ - ள்.) சூரன்மகன் விடுத்த அம்புகளை ஒருகையினாற் பற்றி மெல்லிய துகளாம்படி வீரவாகுதேவர் கெடுத்தார். அவன் பதினாயிரம் பகழிகளைத் தொடுத்து வலியினையுடைய தண்டத்தினை யொடித்து வீரவாகுதேவர் உறுப்புக்கடோறும் ஆயிரம் அம்புகள் செல்லும்வண்ணஞ் செலுத்தினான் என்க.

(வி - ம்.) அயுதம் - பதினாயிரம்.

(151)