(இ - ள்.) இங்ஙனம் இருபடையும் நேர்ந்ததை அறிந்துசென்று சில வொற்றர்கள் வீரவாகு என்பான் போரின்கட் பொருந்தினானென்று சொல்ல, தீயோனாகிய பானுகோபன் தாவி மோதுகின்ற சிங்கம்போல உயிரை யுண்ணுவே னென்று சீறுதல்செய்து பொருந்தினான். முன்னர்ப் போரின்கட் பகைவரை அழித்தலா னிறைந்த புகழை யுடைய அவுணர்கள் வீரமுழக்கஞ் செய்து பொருந்தினர். வலிய கிரவுஞ்சமலையின் ஆண்மையைக் கெடுத்தவனாகிய முருகனைத் தொழுது வலியையுடைய பூதர்களும் ஆர்த்தனராகிச் சீற்றமுற்றுப் போர்செய்யத் தொடங்கினா ரென்க.

(வி - ம்.) வேய்த்தல் - ஒற்றியறிதல். தாய் - தாவி. தெழித்து -
முழக்கி.

(199)

வேறு

(இ - ள்.) கூட்டமாகிய யானைப் படையினையுடைய அவுணர் தலைவனாகிய பானுகோபனை வன்மைபொருந்திய பூதர் தலைவனாகிய வீரர் எதிர்ந்த போர்க்களமானது விழவெடுக்குங் களத்தினையொப்ப மெய்ம்மலியுவகை மேவப்பெற்று உள்ளமானது ஆன்டண்மையை கட்பின் வழுவாதவாறு வேகத்துடன் செலுத்தப் பலகையுடன் நீண்டு விளங்குகின்ற கூரிய வாளைக் கையிற்றழுவிக் கிளர்ச்சியுற்றுப் பொருந்துகின்ற சாரிகைத் தொழில் மிகப்போர் செய்த லொருபக்க மெல்லா விடங்களிலு முள்ள தென்க.

(வி - ம்.) வார்தல் - நெடுமை. "வார்தல் போகல் ஒழுகன் மூன்று நேர்தலும் நெடுமையுஞ் செய்யும் பொருள" (தொல். சொல்.)