விழாக்களத்தில் யாவரும் மெய்ம்மலி யுவகைபொங்க இன்புற்றிருத்தல் போல வீரர்கள் யாவரும் இன்புற்றுப் போர் செய்தலின் போர்க்களம் விழாக்களம்புரைய என்றார். உளம் ஆண்மை, கேண்மை வழாக்கடுப்பொடு துரப்பவெனக் கூட்டுக. குழாக்களிறு : விகாரம். 'தழா : செய்யா' என்னும் வாய்பாட்டு வினையெச்சம். வட்டம், பரிசைப்படை.

(200)

(இ - ள்.) போர்க்களத்தில் கண்டோர் இடைவெளியின்றென்று சொல்லும்படி மெய்யழுந்தும்படி ஒருவரை யொருவர் தழுவிப் பெரிய நிலத்தின் கண் வீழ்கின்றவ ரொருபக்கலிலுளர். நீர்நிறைதற் கேதுவாகிய மழைபெய்கின்ற காலத்துளவாகும் புற்புதத்தை யொப்பக்கால் விசையினால் சிதர்கின்றவர் ஒருபக்கலிலுளர். ஒன்றினோடொன்று தாக்குகின்ற ஆட்டுக்கிடாக்கள்போல முகம் தூளியுளவாம்படி முட்டுகின்றவர்க ளொருபக்கலுளர். ஓச்சிய கைமுடக்கினால் வருத்தி வலிய கபோலங்களை உடைக்க நிலத்தின் விழுகின்றவ ரொருபக்கலிலுளர்.

(வி - ம்.) பிதிர் - தூள். ஓக்குதல் - ஓச்சுதல். முஷ்டி என்ற வடசொல் முட்டியெனத் திரிந்து நின்றது. அஃதாவது கைவிரல்களைக் குவித்து மடக்கல். கொடிறு - கதுப்பு.

(201)