(இ - ள்.) மகனாகிய பானுகோபன் தன் மனத்தின்கட் கருதிய வென்றியோடு வாராமையை யறிந்தவளவிற் சீற்றமிகுஞ் சூரனாகியவன் அழற்சியுற்று நாளையே யான் யாவரும் நடுக்கமுற்று இறக்க மூன்று கண்களையுடைய இறைவன் மகனை வெல்வேனென்று புழுக்க முற்றிருந்தன னென்க.

(வி - ம்.) மதலை - மகன். கதம் - சினம். விதலை - துன்பம். வேறு - வெல்வேன். வேறு - தன்மை யொருமைமுற்று. விதலை - நடுக்கம்.

(260)

(இ - ள்.) வெங்கதிர்க்கடவுள், இங்ஙனம் சூரன் எண்ணியதையறிந்து ஆண்டன்மையையுடைய சூரன் றோல்வியையும், வெண்கதிர்க் கடவுளைத் தரித்த இறைவன் றிருமதலையாகிய முருகனது வெற்றியின் பெருக்கத்தையும் புதுவதாகக் காணவிரும்பி விரைவாகத் தேரினைச் செலுத்திக் கடலின்கண்ணே தோன்றின
னென்க.

(வி - ம்.) விது - சந்திரன். புகற்சி - விருப்பம்.

(261)

(இ - ள்.) நாட்காலையில் செய்ய வேண்டியவைகளைச் செய்து சூரனாகிய முதல்வன் என்றுங் கெடுதலில்லாத தன் படையாளரைத் தூதர்களா லழைத்தனன். ஒருகாலத்தும் நீங்குதலில்லாத வெள்ளமென்னு மளவினையுடைய வீரர்களும் கலந்தவராகி கடல்போல முழக்கங் காட்டினா ரென்க.

(வி - ம்.) புலரி - விடியற்காலம். உலவில் - கெடாத. கலவினர் -
முற்றெச்சம்.

(262)

(இ - ள்.) அமைச்சர்களும் ஏனையோர்களும் யானையுங் குதிரையும் நெருங்க எவ்விதப்பட்ட கொடிய வலிமையுள்ள படைகளும் தேரின்கண்ணே பொருந்தச் சூரனென்பான் இந்திரஞாலத் தேரின்மேலேறிச் சென்றன னென்க.

(வி - ம்.) தந்தி - யானை. இந்திரஞாலம் - சூரன் தேர்.

(263)