| | எறிந்த நாந்தகம் வாங்குமு னெரியெனக் கொதித்துச் | | | சிறந்த வீரியன் றானவன் றோளுகச் செகுத்தான் | | | பிறந்த சீற்றமோ டொருகையி னாந்தகம் பெயர்த்து | | | மறிந்தெ திர்ந்தனன் மாற்றினன் மற்றிடக் கரமும். |
c(இ - ள்.) வெட்டியவாளை வாங்குவதற்கு முன்னர் அழலெனக் கொதிப்புற்றுச் சிறப்புற்ற வீரத்தினையுடைய வீரவாகு பானுகோபன் தேர்விழும் வண்ணம் வெட்டினான். அஞ்ஞான்றுளவாகிய சினத்துடன் மற்றொரு கையான் வாளினை எடுத்து மடக்கி வெட்டினான். அங்ஙன மெறிந்த மற்றைய இடக்கரத்தினையும்
வெட்டினனென்க. (445) | | மாயை வன்படை தொடுக்கிய தானவன் மதித்தான் | | | ஆய சிந்தையுஞ் சென்னியு மமரர்க டுயரும் | | | மேய சூரனெக் கழுத்தமும் விரதியர் குறையும் | | | பாய பார்மக ளிடும்பையு மொருங்குகப் படுத்தான். |
(இ - ள்.) இருகையு மற்றபொழுது பானுகோபன் வலிய மாயைப்படையினைத் தொடுக்கக் கருதினான். அங்ஙனங் கருதுதலுளதாகிய மனத்தினையும், தலையினையும், தேவர்கடுன்பினையும், ஆயிரத் தெட்டண்டங்களுக்குந் தலைவனாகப் பொருந்திய சூரனிறுமாப்பும் விரதத்தினையுடைய தாபதப் பக்கத்தாரின் றுயரும் பரந்த நிலமகடுன்பும் ஒருசேர நீங்கக் கொன்றனனென்க. (வி - ம்.) தொடுக்கிய - தொடுக்க. எக்கழுத்தம் - இறுமாப்பு. பாய - பரந்த. இடும்பை - துன்பம். (446) | | அமரர் கற்பக மலர்பொழிந் தாடவாங் கலையின் | | | குமரி யாடமெய்க் குறைபல கோடிநின் றாடும் | | | சமர்செய் ஞாட்பிடைத் தழங்கிவீ ரர்களொடுந் தேரின் | | | விமல னாடினன் வியனிலம் வியத்தகுங் குரவை. |
(இ - ள்.) தேவர்கள் கற்பகமரத்தின் மலர்களைச் சொரிந்தாட, வாவிச்செல்லுகின்ற கலைமானை வாகனமாகக்கொண்ட துர்க்கையாட, பலகோடி மெய்கள் நின்றாடுகின்ற பறந்தலையின்கண் முழங்கி வீரர்களோடு தேரின்கணின்று யாவரும் வியக்கத்தக்க குரவைக்கூத்தினை மல மற்றவனாகிய வாகுப் பெயரோனு மாடினானென்க. (வி - ம்.) வாங்கலை - வினைத்தொகை. மெய்க்குறை - குறைப் பிணம். இப்பாட்டு திணை : தும்பை. துறை - முன்றேர்க்குரவை. ஞாட்பு - போர்க்களம். விமலன் - வீரவாகு. (447) | | வீழ்ந்த வீரனைப் பூதர்க ணெருங்கினர் விமலை | | | வாழ்ந்த தாழ்கர நோக்கினர் மருட்கையின் வியந்தார் | | | போழ்ந்த வாள்கரம் வீசியா டினர்சமர் புகழ்ந்தார் | | | ஆழ்ந்த வேழ்கட லுடைந்தென வார்த்தன ரம்மா. |
|