பத்தை நீக்கும் வாயிலாக) அவைகள் கூறுகின்ற வார்த்தையை ஏற்றுக் கொள்பவர்களைப்போலப் புலம்புதலைப் பொருந்தினார்.

(வி - ம்.) தலைவரைப் பிரிந்த தலைவியர் கேளாதனவற்றைத் தம்மைப் புணர்ந்த துன்பங்காரணமாகக் கேட்பனவாக வைத்து இன்னலைக் கூறினாரென்க. இதனுள் 'கேட்குநபோலவும கிளக்குநபோலவும்' என்னும் நன்னூற் சூத்திரக் கருத்தமைந்திருத்தலை நோக்குக.

(151)

(இ - ள்.) இறத்தலுக்கொப்பாகிய இரங்கலும், இரங்கனிமித்த முமாகிய தளர்வைச் செய்து தம்முடைய நீதிகளைப் பிறர்க்கறிவிக்க ஒப்பில்லாத பொலிவுபெற்ற ஒழுங்கினையுடைய நீண்ட வில்லோடு கூடிய மன்மதனது கூர்மைபொருந்திய அம்பாதலுடைய நீலோற்பல மலரை. நெய்தனிலமான தணிந்தது.

(வி - ம்.) இரங்கலும், இரங்கனிமித்தமும் நெய்தற்குரிய பொருளாதலின், அதனைப் பிறர்க்கறிவிக்க மன்மதனம்பாதலுடைய நீலோற் பலத்தை நெய்தனிலமணிந்ததென்க. தம் + அ தம - ஆறாம் வேற்றுமை. காட்டிய - காட்ட. கோதை - ஒழுங்கு. கணையாதல்நீலம் - கணையாத லுடைய நீலமென்க. அணிந்ததென்னும் முற்றிறுதிதொக்கது.

(152)

(இ - ள்.) (இதுகாறும்) நிலைபெற்ற குறிஞ்சி, முல்லை, மருதம், நெய்தலாகிய நான்குவகையாகிய நிலத்தின்கணுள்ள ஐந்திணைவளத்தைச் சொல்லியவாறாகும். இனி மேலே கூறிய நான்குவகை நிலங்களும் கருதி ஒன்றனோடொன்று கலந்த அத்தன்மையாகிய (திணைமயங்குதலாகிய) குணத்தையுஞ் சொல்ல நின்றது.

(வி - ம்.) முற்றிய - கலந்த. நீர்மை - குணம்.

(153)

திணைமயக்கம்

வேறு