(இ - ள்.) இனி யாம் இவ்வுலகின்கண் ணிருக்கும் பாக்கியமில்லை யென்றுகருதி எல்லாப்பொருள்களுந் தங்கிய தன் பெரியமனையின்கட் சென்று உணவுக்குரிய பொருள்களையெல்லாம் பொலிவுறவுண்டு வயிற்றினை நிறையச்செய்து புதிய அணிகலன்களை உடலின்கண்ணணிந்து கொத்தினையுடைத்தாகிய நிறம்பொருந்திய தும்பைமலரினை வெற்றிகருதி முடியின்கட்சூடிப் போரினுக்குரிய அழகிய கோலத்தினைக் கொண்டனனென்க.

(463)

(இ - ள்.) பலப்பல படைக்கலங்களையும் கையின்கட் பற்றி விரைந்த செலவினையுடைய பெரியமணிகள் கட்டிய தேரினைச் செலுத்தி, ஒளிதங்கிய குடைகளின் கூட்டமும், வானைத்துழாவுகின்ற கொடிகளின் கூட்டமும், ஒளிதங்கிய கவரியின் கூட்டங்களும் நெருங்கப் பலவாத்தியங்களும் ஒலிக்கப் போர்தோறும் வென்றியைப் பெறுதலான் புகழமைந்த எண்ணிறந்த படைகள் சுற்றத் தன்னகரினின்றும் நீங்கிச் சென்றனன்.

(464)

(இ - ள்.) யாழுறுப்பினோடியைந்த நரம்பினையுடைய நல்ல யாழினைத் தவத்தாற் பெரிய நாரதமுனி்வன் குமரப்பெருமானை வணங்கி, அடிகேள் ! பொன்மலை போன்று நீண்ட மெய்யினையுடைய சிங்கமுகன் போருக்குப் போந்தனன். அவனியற்றும் போரினை அடிகள் நாடகமாகச் செய்து (அவனாலும் அவன் முன்னோனாலும் பல்லூழி