ரென்பது போதரும். இனி யொரு சாரார் "உய்வகை யுறக்கங் கொண்டா" ரென்பதற்கு உய்தற்குப் பொய்யுறக்கங் கொண்டா ரெனவுங் கூறுவர். அங்ஙனங் கூறல் வீரர் இலக்கணத்திற்கு மாறுகோடலான் பொருத்த மின்றென விடுக்க. கை - படை. இதனை "கைபடை" யென்னும் நிகண்டானுணர்க. குஞ்சி - ஆண்மயிர்.

(467)

(இ - ள்.) பூதப்படைகள் வெந்நிட்டோடும்வண்ணம் மோதிக் கிளர்ச்சியுற்ற தானவர் படை தன்மீது வரக்கண்ட சிங்கனென்பவன் விரைந்து ஒரு தண்டத்தினைத் தாங்கி மோதித் தலைகளும், தோள்களும் கெட்டு கீழே விழும்வண்ணம் கலக்குஞான்று சாதற்றொழிலை நினக்கிப்பொழுதே தந்தேனென்று பத்து முகங்களையுடைய தானவனொருவன் வந்தெதிர்ந்தான்.

(வி - ம்.) வெய்து - விரைந்து. சாதல் இரண்டாவதன் றொகை. நிற்கு - உனக்கு. தசம் - பத்து.

(468)

வேறு

(இ - ள்.) பகைவர்மாட்டு அஞ்சாது கூறும்தன் மேம்பாட் டுரையையுடைய சிங்கனென்பவன் தசமுகன்விட்ட கணைகளைத் தண்டத்தினால் விலக்கி அவன்மேற் பாய்ந்து அணிந்திருந்த மெய்ப்பை கெட நடுங்கும்படி யடித்தனன். பகைவனாகிய தசமுகன் ஒப்பற்ற மிக்கவலி யினையுடைய தண்டமொன்றினைச் சிங்கன்மேற் செலுத்தி வீரமுழக்கஞ் செய்தா னென்க.

(வி - ம்.) கவயம் - உடம்புக்கீடு. தப - கெட. ஓச்சல் - அடித்தல். கடுமுரண் - மிக்கவலி.

(469)

(இ - ள்.) அவன் கடவிய அத்தண்டம் சிங்கன் நெஞ்சின்கட்பட்டுக் கெட்டுக் கீழே வீழந்தது. அக்கணமே தசமுகன் குருதியையுண்ணும்