ணுள்ள எருமைக்கடாக்கள், குறிஞ்சிநிலத்தின்கணுள்ள யானையினங்கள் பகடென்று தம்பெயரைக் கோடல் என்ன காரணமென்று சீற்றங்கொண்டு அம்மதமலையாகிய யானைகள் வற்கட மடைய மலையின்கட் சென்று மலைவாழை முதலியவற்றை அழிக்கும் அழகானது அவ்விடத்து நிறைந்திருக்கும்.

(வி - ம்.) வரைத்தலை வேழம் - மலையிடத்துள்ள யானை. வேழம் - கரும்பு. வீத்து - அழித்து. பகடு - யானை; எருமை. வறம்கூர் - வற்கடமிக. கல் - மலை. "கற்பாடழித்த கனமாமணித் தூண்செய் தோளான்" எனும் சிந்தாமணிச் செய்யுனானறிக. இருங்கடா - பெரிய எருமைக் கடா. வாழி - அசை.

(157)

(இ - ள்.) (குறிஞ்சிநிலத்தின்கண்) மேலேயுள்ள வரையானது விரிந்த பல யாறுகள் நிறையினும் நிறையாத பாழாகிய கடல் வயிற்றினை அக்கடலான திரங்கும்வண்ணம் ஒழுங்காகிய வெள்ளிய அருவியாற் குழியாக்குவதும். அம்மலையை அலைகளாகிய நீண்ட கரங்களின் கூட்டத்தினால் தூளாம்படி பெருமைபொருந்திய மார்பினிடத்து எதிர்த்து ஓச்சியெறிதலாலுளதாகிய மகிழ்ச்சியாற் பெரிய கடலானது முழக்குவதும் ஆகிய சம்பந்தம் ஒருபக்கத்துள்ளது.

(வி - ம்.) அமையுறா - நிறையாத. அகடு - கடல்வயிறு. கார்கோள் - கடல். "கார்கோள் முகந்த கமஞ்சூல் மாமழை" என்னும் திருமுருகாற்றுப்படை யடியானுணர்க. மாலை - ஒழுங்கு. குழிப்ப - குழியாக்குவன. மேக்கு - மேல் அவ்வரைதன்னையென்று அகரச் சுட்டு வருவிக்க. சிதர் - தூள். ஓச்சி - எறிந்து. தெளித்திடும் - முழக்கியிடும்.

(158)