(இ - ள்.) நிலத்தின்கண் வாழும் உயிர்கள் பெருகும்படி மழை முகிலானவனே போற்றி ! வானுலகத்தின்கண் வாழும் உயிர்கள் தழைத்தற்கு விளங்காநின்ற அமிழ்தமானவனே போற்றி ! கண்கள் உருவத்தைக் காணும்பொருட்டு அக்கண்ணூடே தீயாய் நிற்போனே போற்றி! கருதாநின்ற உயிர்களின் வினைகள் முற்றுப்பெற்றுழி அவை உறைதற்குரிய இன்பவெளியானவனே போற்றி !

(வி - ம்.) மிளிரமிழ்து - வினைத்தொகை. தொழின்மை - வினை. இரந்தரம் - வானம்.

(21)

(இ - ள்.) ஞாயிற்று மண்டிலத்தின் உடலையும் வெதுப்பும் வெப்பமுடைய ஞாயிறாகிய இறைவனே வணக்கம் ! நாடோறுமெழுகின்ற திங்கள் மண்டிலத்தையும் குளிர்ப்பிக்குங் குளிர்ச்சியுடைய பெரிய திங்களாகிய இறைவனே வணக்கம் ! போரின்கண் தீக்கடவுளும் சாம்பராகும் சினமிக்க செருவின்கட் தீக்கடவுளானவனே வணக்கம் ! நினைக்குங் கருவியாகிய மன முதலியவற்றைச் செலுத்தும் உயிரையும் உண்ணின்று செலுத்தும் பேருயிராகிய பெருமானே வணக்கம் !

(வி - ம்.) ஞாயிற்றின் ஞாயிறே திங்களின் திங்களே தீயின்றியே உயிரின் உயிரே என்றவாறு.

(22)

(இ - ள்.) மாமனாராகிய இந்திரன் இங்ஙனம் வாழ்த்தாநிற்ப மருகனாராகிய முருகப்பெருமான் உளமகிழ்ந்து, நெடிய வில்லையுடைய காமனார் வழங்கிய உடம்பிற் கண்ணையுடைய அவ்விந்திரன் முகத்தைப் பார்த்து, தூய மணிமுடிவேந்தனே, நினது வேண்டுகோளைத் தெரிவிப்பாயாக என்று பணித்தருள, அவ்விந்திரன் மறலியைத் துகள்படுத்த, கேழற் பல்லினையுடையோனுக்குக் கூறுவான்.

(வி - ம்.) இந்திரனுக்கு உடம்பெல்லாம் கண்ணாதற்கு அவன் கழிபெருங் காமங் காரணமாகலின் காமனார் கொடுத்த வாக்கைக் கண்ணனார் என்றார். ஏமனார் - மறலி. பூழ்த்த - துகள்படுத்திய. கேழல்