- பன்றி. சிவபெருமானுடைய செயலையும் உடைமையையும் முருகப்பெருமானுக் கேற்றி ஏமனார்ப்பூழ்த்தகேழ லெயிற்றினார்க் கிறைஞ்சி என்றார்.

(23)

(இ - ள்.) எம்பிரானே ! நீ எம்மிடத்திருந்து அசுரர் கவர்ந்து கொண்ட செல்வமனைத்தும் மீட்டுக்கொணர்ந்தனை யல்லையோ. இவ்விடத்தே அவற்றைப் பெறவிழைந்து திருமுன்னர் வந்தேன். மேலும் ஏனைய தேவர்களும் அவரவர் விரும்பிய வரங்களைப் பெறுதற்கு வந்தனர். மணம் விரியும் கடப்பமாலையணிந்த கடவுளே என்று விண்ணப்பித்து(ப் பின்வரும்) இதனையும் கூறினன்.

(வி - ம்.) ஈன் - இவ்விடம். கொண்மார் - கொள்ளற்கு. கான் - மணம்.

(24)

(இ - ள்.) துறக்கநாட்டின்கண் உளதாகிய செங்கழுநீர்க் கொடியைக் கொணர்ந்து ஈண்டுள்ள சுனையின்கண் நாடோறும் முப்பொழுதினும் முறுக்குடையும் மும்மூன்று மலர்கள் மலருமாறு நாட்டியுள்ளேன். தேன்றுளிக்கும் கடப்பமாலையணியும் தேவதேவ ! நீ அதனை விரும்பியணிந்துகொள்ள அக்கழுநீர் உலகமனைத்துமிருக்கு நாளெல்லாம் நிலை பெற்றிருக்க வரமருள்க!

(வி - ம்.) நறை - மணமுமாம். அணிந்து - அணிய. மன்னி -
நிலைபெற்று.

(25)

(இ - ள்.) இச் செங்கழுநீர் மலரை நீ யணிந்து கொள்ளுங்கால மெல்லாம் எளியேனுக்கு இடர் இல்லையாக வரமருள்க. பெருமானே ! நீ எளியேனுக்குக் காட்சி வழங்கிய செல்வத் தகுதிபெற்ற இந்தநாளிலே ஆண்டுதோறும் பசிய இச்செங்கழுநீர் மலர்ச் சுனையின்நீரிலே ஆடியோரும் அதனைப் பருகினோரும் தலைமிசைத் தெளித்துக்கொண்டோரும் ஆகிய அன்பரனைவரும் வெவ்விய வலிய தீவினைகளை அகற்றித்திகழாநின்ற நின்னுடைய கந்தவுலகினை எய்தும்
படிவரமருள்க.