(வி - ம்.) அன்னணம் - அவ்வண்ணமே. நாற்கோட்டுவேழம் - ஐராவதம். எம்பிரான் - முருகன். வதுவை - திருமணம்.

(3)

(இ - ள்.) அசைகின்ற அழலினை வளர்த்துச் சுந்தரியானவள் அவ் வழலின்கண் மூழ்கி உடல் நீங்கப்பெற்று விளக்க முறுகின்ற சூக்கும தேகத்துடன் மேன்மை பொருந்திய தொண்டை நாட்டின்கண் பல வளங்களையும் தன்னிடத்துக்கொண்ட மேற்பாடி நாட்டில் வளர்கின்ற மலைப்பக்கத்தையண்மி உள்ளத்தின்கண்ணே யன்புமிக உயர்ந்த தவத்தைச் செய்து நின்றாளென்க.

(வி - ம்.) நாடு - மேற்பாடி நாடு. வெற்பு - வள்ளிமலை.

(4)

(இ - ள்.) அவ்விடத்து முன்னரே தங்கி அரியதவத்தினைச் செய்யா நின்றவனாகிய தேவர்களும் வியவா நின்ற சீர்த்தியினையுடைய சிவமுனி யென்பவன் அவ்விடத்துத் தாவிச்செல்கின்ற பெண்மானொன்று தன்பக் கலணுக (அம்மானின்) தகுதிபொருந்திய அழகைக் கண்டு கண்ணினால் பொருந்துகின்ற கலவியின்பினை நுகர்ந்தனன். அத்தகுதியான காலத்திலென்க.

(வி - ம்.) வயின் - இடம். சீர்த்தி - மிகுபுகழ். அண்ம - அணுக. தகை - தகுதி. எழில் - அழகு. வேலை - பொழுது.

(5)

(இ - ள்.) (சுந்தரியானவள்) கருவாக (அம்மானின்) வயிற்றிற் சூட்சும தேகத்துடன் புகுந்தனள். யாவரும் விரும்பத்தக்க அப்பெண்மான் சென்று மேன்மேல் வருத்தமிகக் கருப்பமாகப் பொருந்திய மகவினை நிறம்பொருந்திய வள்ளிக்கிழங்கைத் தோண்டியெடுத்தலால் உளவாகிய பள்ளத்தின்கண்ணே ஈன்று வாசனைமிக்க கானத்தின் கண்ணே புகுந்து மறைந்தது, வேடர்களுக்குத் தலைவனாகிய வரசன்.

(வி - ம்.) பீள் - கரு. அகடு - வயிறு. கெண்டி - தோண்டி. பயம்பு - பள்ளம்.

(6)