(இ - ள்.) நமது சாதியின்கண்ணுள்ள ஒப்பற்ற சூரனாகிய மாமரத்தினை வெட்டுதல் செய்தவன் நம்மாட்டும் அன்பினைச் செலுத்தினுஞ் செலுத்துவன். அச்செம்மையினை நாமடையுங்காலம் அஃது இக் காலமாகும். (நாம் கருதியது கருதியவாறு) ஆகுமென்று சொல்லும் வண்ணம் மிக மெல்லியதளிர்கள் மிகுந்துள்ளன மாவினத்திலென்க.

(வி - ம்.) நலிதல் - ஈண்டு வெட்டுதல். செவ்வி - காலம். கொம்மை - மென்மை.

(26)

(இ - ள்.) மதுவென்னும் அசுரனை வருத்திய தேவனாகிய விண்டு சக்கரப்படையினைத் தன் மகளாகிய வள்ளி நாயகியாரைப் புரந்திடச் செலுத்த (அச்சக்கரப்படை) பொருந்தி அளவில்லனவாகிய வடிவு கொடு காவல் செய்ததென்று சொல்லும் வண்ணம் குளிர்ந்தவரை யிடங்களிலெல்லாம் தேனிறால்கள் செறிந்துள்ளன வென்க.

(வி - ம்.) மது - ஒரு அசுரன். இவன் விண்டுவினால் உயிர் துறந்தவன். புதல்வி - வள்ளி.

(27)

(இ - ள்.) நாரத்தையும், மாதுளையும், தெங்கும், புனமுருக்கும், வாழையும், பலாவும், மாவுமாகிய இம்மரங்களின் தீவியகனி கலவை யுற்றனவற்றை அடிகள் எதிரே காண மேலாகச் செழித்த மலையானது கொண்டு நின்றன வென்க.

(வி - ம்.) நரந்தம் - நாரத்தை. நாளிகேரம் - தெங்கு. முருக்கு - முருக்க மரம். அரம்பை - வாழை. ஆசினி - பலா. ஆம்பிரம் - மா. நிரந் தரித்தன - கலந்தன. காணிய - காண.

(28)