(வி - ம்.) கேழ் - நிறம். அளி - வண்டு. களி - மகிழ்ச்சி. விளிவு - கேடு. மெல்குதல் - மெலிதல்.

(119)

(இ - ள்.) காற்றானது மோத அசைவன போலப் பொலிவு பெற்ற கிளைகளாகிய கை விரிந்த இளமையாகிய தனங்களைத் தடவலால் உடன் முழுதுங் கலக்கப்பெற்ற மயிர்க்குச்சும், மகிழ்ச்சியும் பொருந்த பரந்த காமத்தானுளதாஞ் சோர்வு நீங்குந்தன்மையும் அறிந்தனளென்க.

(வி - ம்.) வளிபொர வென்க. வளி - காற்று. சாகை - கிளை. தைவர - தடவ. பரிசு - தன்மை.

(120)

(இ - ள்.) தன்னை யறியாவண்ணம் உவகை மிகுந்த அந்தப் புனைந்த மலரையுடைய கூந்தலினையுடையாள் சென்று வேட்டத்தினின்றும் நீங்கிக் கட்டப்பெற்ற கழலினையுடைய தந்தையின் வரவைத் தெளிந்து (அக்கணியினின்றும்) நீங்கி வளர்ந்த தினைப்புனத்தின் நடுவணுள்ள பரணின் மேலேசென்று தங்கின ளென்க.

(வி - ம்.) சான்ற - நிரம்பிய. வனைகழல் : வினைத்தொகை. இதண் - பரண்.

(121)

(இ - ள்.) திரண்ட வளையலையணிந்த அம்மையாரைவிட்டு நீங்காத கொள்கையானே அவ்விடத்து வேறோருருவங்கொண்ட கணியாகிய தலைவன் வேறும் ஒரு ஆச்சரியத்தினை உளவாக்கத் தன்னொரு பாகத்தினை அவ்வேங்கை மரத்தில் விளங்கும்வண்ணம் வைத்தன னென்க.

(வி - ம்.) கோற்றொடி : அன்மொழி. வீற்று - வேறு. கூறு - பாகம்.

(122)