330

(இ-ள்.) நீடு...புனைந்து - நீடும் திருவுடைய கழுக்குன்றில் எழுந்தருளிய அருட்கூத்தனாரது கழல்களை வணங்கிப், பாடும் தமிழ்த் தொடையாகிய தேவாரங்களினால் இறைவனைப் புனைந்து; பாங்கு...போய் - அப்பக்கத்திலுள்ள பல தலங்களிலும் சென்று இளம்பிறையினைச் சூடும் முடியவராகிய சிவபெருமானைத் தொழுது துதித்து மேற்சென்று; மாடு...மருங்கணைந்தார் - பக்கத்தில் பெருங்கடலாற் சூழப்பட்ட திருவான்மியூர் என்னும் தலத்தை வந்தடைந்தனர் (நாயனார்).

(வி-ரை.) திரு நீடு கழுக்குன்று - என்க. இது வேதகிரி எனப்படுதலால் நீடுதிரு என்றார். நீடு - என்றுமுள்ள. திரு - இறைவர் வாக்காகிய திரு.

கழுக்குன்று - கழுகுகள் பூசித்தலால் இப்பெயரால் வழங்கப்படும். தலவிசேடம் பார்க்க.

திருத்தனார் - அருட் கூத்தியற்றுபவர்.

பாடு தமிழ்த்தொடை - பாடும் தமிழாலாகிய மாலை. பாடு - பெருமையுமாம்.

பாங்கு பல பதிகள் - திரு வன்பார்த்தான் பனங்காட்டூர், திருமாகறல், திருவிடைச்சுரம், திருக்கச்சூராலக்கோயில் முதலியன. இவற்றுக்கு நாயனார் பதிகங்கள் கிடைத்தில!

மாடுபெருங் கடலுடுத்த - கடற் கரையில் உள்ள என்றலுமாம்.

330

திருக்கழுக்குன்றம்

2-10

திருச்சிற்றம்பலம்

பதிகக் குறிப்பு :- மூவிலைவேற் கையான், சொல்லோடு பொருளனைத்து மானான், கல்லாடை புனைந்தருளுங் காபாலி என்றிவை முதலிய தன்மைகளா லறியப்படுகின்ற கற்பகத்தைத் திருக்கழுக்குன்றிற் கண்ணார நான் கண்டேன்.